Noticias

As 20 empresas latinoamericanas que participaron na rolda de negocios retornaron para os seus países de orixe cunha satisfactoria visión da nosa cidade e cun alto grao de coñecemento da nosa realidade económica e do noso tecido produtivo. Así o indicou o concelleiro de Promoción Económica, Xosé Manuel Iglesias, quen dixo que os empresarios levan a imaxe dunha Compostela "dinámica, innovadora e con peso económico".

O concelleiro de Turismo compostelán, Francisco Candela, visitou en Palma de Mallorca a nova terminal de distribución de Air Berlin, que permite a conexión de voos en 45 minutos e mellorará o tráfico aéreo entre o aeroporto de Lavacolla e 25 destinos de Europa Central.

O xoves 5 de Outubro, ás 19:00 horas, inaugúrase na Fundación Granell unha nova entrega do ciclo "Xoves poéticas surrealistas", coa exposición da artista franco -estadounidense María Chenut, "Primavera en Outono" que permanecerá aberta ata o 6 de novembro

Parte do rico arquivo fotográfico do escritor arxentino Julio Cortázar, doado á Xunta de Galicia pola primeira esposa do escritor, Aurora Bernárdez, poderá contemplarse ata o 19 de novembro en Compostela. A exposición "Ler imaxes: o arquivo fotográfico de Julio Cortázar" conta con cinco seccións, que constitúen unha completa aproximación á vida do autor: Viaxes, Cartas, Fotografía, Cine e Música. A mostra foi inagurada nun acto no que, entre outros, participaron o presidente da Xunta,...

A nova Ordenanza de residuos e limpeza viaria foi aprobada inicialmente polo Pleno municipal, cos votos favorables do grupo de Goberno e a abstención do Partido Popular. A nova norma substitúe á vixente na actualidade, do ano 1989, adaptándose á realidade social de hoxe. Recolle aspectos como o botellón ou a limpeza das zonas próximas a masas forestais e incremente o capítulo de sancións.

As instalacións da Casa de Acollida de Santiago albergarán o Centro de recuperación integral para as mulleres vítimas da violencia de xénero, que coordinará as casas de acollida de toda Galicia. Así o anunciaron o alcalde compostelán, Xosé A. Sánchez Bugallo, e a secretaria xeral de Igualdade, Carme Adán, tras unha reunión en Raxoi.

O presidente do Consorcio e alcalde compostelán, Xosé A. Sánchez Bugallo, e o secretario xeral de Comunicación da Xunta de Galicia, Juan Fernando Salgado García, asinaron un convenio de colaboración que ten por obxectivo establecer as bases polas que se regulará a colaboración entre ambas institucións para a promoción do patrimonio audiovisual galego a través da plataforma que supón o festival "Cineuropa", na edición prevista para 2006.

O I Foro Profesional de Turismo Urbano e Cultural, organizado por Turismo de Santiago e a Federación Española de Municipios e Provincias (FEMP), foi inaugurado no Centro de Estudos Avanzados da Universidade de Santiago polo concelleiro de Turismo compostelán, Francisco Candela; o presidente da Comisión de Turismo da FEMP, Joseph Mariné i Grau, e o vicepresidente da Federación Galega de Municipios e Provincias, Enrique Fernández.

Representantes do Concello de Santiago regresaron de China tras supervisar o avance das propostas compostelás para a reordenación turística e patrimonial de Qu Fu, e asinar o documento definitivo de irmanamento entre ambas cidades Patrimonio da Humanidade.

O alcalde de Santiago, Xosé A. Sánchez Bugallo, entregou o décimo galardón Araguaney de Ouro, creado pola Fundación do mesmo nome, ao intelectual Isaac Díaz Pardo, nun acto que tivo lugar no propio hotel Araguaney.