EMIGRACIÓN
O Concello colaborará na elaboración dun estudio sobre a situación dos composteláns residentes en Venezuela
O alcalde compostelán, Xosé A. Sánchez Bugallo, e o presidente da Fundación Españoles en el Mundo de Venezuela, Cándido Rodríguez Losada, asinaron esta mañá un convenio de colaboración, que permitirá coñecer mellor a situación dos emigrantes santiagueses residentes en Venezuela. O Concello achegará 3.500 euros para a realización dun estudio con este fin.
INCENDIOS
Os incendios do verán afectaron a 1.422 hectáreas do municipio
Despois das medicións realizadas polos técnicos municipais, a superficie queimada no termo municipal de Santiago é de 1.422 hectáreas, das que 900 hectáreas arderon só nas dúas primeiras semanas do mes de agosto, segundo anunciou o alcalde, Xosé A. Sánchez Bugallo. As parroquias de Figueiras e Villestro foron as máis afectadas.
TRANSPORTES
Cambios nas liñas 5, 13, C5, C6 e 11 do transporte urbano
O concelleiro de Transportes, Xaquín Fernández Leiceaga, presentou os novos horarios de inverno do servizo de transporte urbano. Os principais cambios afectan ás liñas 5, 13, C5, C6 e 11 e teñen o principal obxectivo de dar resposta á expansión da cidade.
PLENO MUNICIPAL
Aprobada a solicitude do crédito de 600.000 euros para facer fronte aos gastos ocasionados polo lume
O Pleno da Corporación Local, reunido en sesión extraordinaria, autorizou a apertura dun crédito extraordinario de 600.000 euros, para atender os gastos ocasionados polo operativo contraincendios do mes de agosto e para as actuacións de emerxencia destinadas a restaurar as zonas queimadas. O primeiro dos conceptos supuxo un gasto de 258.742 euros, mentres que as actuacións de emerxencia implicaron o investimento de 341.257 euros.
