Noticias

O novo Plan Xeral de Ordenación Municipal (PXOM) será aprobado na sesión plenaria extraordinaria convocada para o luns 31 de xullo ás 12 da mañá. Ratificarase así o acordo global sobre o texto ao que chegaron os dous grupos municipais do Goberno, PSOE e BNG, tras meses de traballo e de estudo das alegacións. Así, á espera do dictame final da Xunta de Galicia, o texto podería quedar aprobado definitivamente en Nadal ou xaneiro.

Compostela celebrou un ano máis o Día de Padrón. A cidade rendeu homenaxe á vila que foi primeira parada dos restos do Apóstolo á súa chegada a Galicia, segundo conta a tradición. Varios actos serviron para celebrar esta particular unión entre os dous municipios no marco das Festas.

O secretario de Estado de Defensa, Francisco Pardo Piqueras, mantivo unha xuntanza co alcalde de Santiago, Xosé A. Sánchez Bugallo, na que falaron sobre o futuro dos terreos militares de Bando.

Cumpridas as dúas semanas de Festas do Apóstolo 2006, Xosé Baqueiro, concelleiro de Festas de Santiago, fai un balance destes días onde o resultado supera as expectativas iniciais. Segundo sinala Baqueiro, "a participación deste ano é moi superior á do ano anterior, comezando polo pregón, onde se congregaron 16.000 persoas no Obradoiro".

La Oreja de Van Gogh presenta en Santiago, o venres 28 de xullo, o seu último disco, "Guapa", co que conmemora o seu décimo aniversario no mundo musical. Segundo sinalan os compoñentes do grupo, "Guapa é a historia de quen non se da por vencido en na marabillosa viaxe de atoparse a un mesmo".

Dende a súa inauguración o pasado 14 de xullo, unhas 15.000 persoas achegáronse ata Intramuros, unha mostra que recrea a vida relixiosa e a arte nos conventos de clausura de Santiago de Compostela. O Consorcio e o Concello de Santiago abriron no emblemático edificio do Banco de España esta mostra singular e única para conmemorar o 15 aniversario da fundación do Real Patronato de Santiago