URBANISMO
Vía libre á conexión urbana e estética de Conxo co Ensanche
O Ensanche quedará conectado urbanística e esteticamente cos novos polígonos do sur grazas ás actuacións que se realizarán no solo SUP-1 de Romero Donallo. Unhas 200 vivendas, amplas dotacións de servizos, zonas verdes e deportivas, unha gran praza, un novo vieiro e un importante lavado de cara son algunhas das señas de identidade deste novo espazo.
CENTROS SOCIOCULTURAIS
Suso de Toro abre a Semana Cultural do Castiñeiriño
O Centro Sociocultural do Castiñeiriño acolle esta semana un atractivo programa de actos, cos que celebra a súa II Semana Cultural. A concelleira de Centros Socioculturais, Mercedes Rosón, presentou o calendario de actividades, que inclúe exposicións, charlas, cine, xogos e actuacións musicais.
EDUCACIÓN
O Museo Nacional de Dinamarca exhibe as súas coleccións etnográficas en San Martiño Pinario
O Departamento de Educación e Mocidade colabora coa Fundación "la Caixa" e coa Consellería de Innovación e Industria na realización da exposición sobre "Culturas do Mundo. Coleccións do Museo de Dinamarca", que permanecerá en San Martiño Pinario entre o 14 de xuño e o 27 de agosto.
