TURISMO
Santiago acollerá a cuarta edición do Fairway do 8 ao 10 de novembro
"O Ano Santo 2021 é unha oportunidade diferencial para Santiago poda retomar a tendencia turística crecente dos últimos anos", apuntou o concelleiro de Turismo, Sindo Guinarte, na rolda de prensa de presentación de Fairway, IV Fórum do Camiño de Santiago. O evento conta co apoio do Concello a través de Turismo de Santiago.
POLÍTICAS LINGÜÍSTICAS
O Concello de Santiago renova durante o mes de xullo a convocatoria de #Fotolingua, que neste 2020 vai pola quinta edición
O concurso #Fotolingua alcanza a súa quinta edición co obxectivo de sumar maior visibilidade aos negocios que se comprometen co uso do galego grazas á colaboración da súa clientela e do público en xeral. A nova edición do certame foi presentada este luns en rolda de prensa pola concelleira de Políticas Lingüísticas, Noa Díaz.
XUNTA DE GOBERNO
O Concello aproba unha Oferta de Emprego para 2020 con 27 prazas de quenda libre
A Xunta de Goberno Local aprobou este luns á Oferta Pública de Emprego para 2020. Tamén se deu o visto bo á ampliación de horarios da hostalería con motivo das festas do Apóstolo e San Roque e ao proxecto de mellora do estacionamento de Belvís.
CONSORCIO
A Real Filharmonía de Galicia regresa aos escenarios cun concerto na Cidade da Cultura e dirixida polo seu mestre titular, Paul Daniel
A Real Filharmonía de Galicia regresa esta semana de novo aos escenarios logo dun parón obrigado de catro meses debido á crise sanitaria provocada pola Covid-19. Os/as músicos/as están a recibir sesións informativas para coñecer os protocolos de prevención que deben manter nas súas actuacións e o mércores comezarán os ensaios.
XUNTA DE GOBERNO
A Xunta de Goberno aproba o estudo de detalle para a instalación de ascensores no grupo de vivendas Diego Xelmírez (Santa Marta)
A Xunta de Goberno Local aprobou hoxe o estudo de detalle para a mellora da accesibilidade e das condicións xerais das edificacións do grupo de vivendas Diego Xelmírez", que afecta aos números 31-33, 25-27 e 29 da rúa de Santa Marta de Arriba. O documento, presentado polas comunidades de propietarios dos edificios, reúne, dende o punto de vista técnico, os requisitos necesarios para a súa aprobación inicial e posterior exposición pública durante o prazo dun mes. A solución que se presenta é a...
ALCALDÍA
Reabre o Camiño Inglés cun acto no que se destaca a seguridade da ruta e cunha andaina polos concellos que atravesa
Os concellos da Asociación do Camiño Inglés, entre os que se atopa Santiago, déronse cita en Sigüeiro, nun acto que tiña como obxectivo ser o punto de arranque da reactivación da peregrinación por unha ruta que se abre como "camiño seguro" despois do coronavirus. Durante a súa intervención, o alcalde compostelán, Xosé Sánchez Bugallo, amosou a súa satisfacción porque "vemos que, en termos relativos, os camiños que máis están crecendo nos...
FACENDA
Aberto do 5 de xullo ao 5 de outubro o prazo de pagamento do IBI
A Concellaría de Facenda informa da apertura, o vindeiro 5 de xullo, do prazo de pagamento voluntario do Imposto de Bens Inmobles (IBI) de natureza rústica, urbana ou de características especiais correspondente ao exercicio 2020. O prazo estará aberto ata 5 de outubro.
ALCALDÍA
O alcalde reitera a importancia do Polo de Innovación en Biotecnoloxía para "xerar empresas e postos de traballo cualificados"
Tras a sinatura esta semana do Acordo da Sionlla, que senta as bases da creación do Polo de Innovación en Biotecnoloxía, o alcalde reiterou o compromiso municipal con esta iniciativa, que "apoiamos e na que estamos detrás dende o minuto un". Así, Xosé Sánchez Bugallo reiterou a importancia deste Polo para "ampliar a base económica da cidade e xerar empresas e postos de traballo moi cualificados" e para "darlle contido económico a moitos traballos de investigación que nacen na USC e que ata gora...
FESTAS
Última xornada de "Prima20" con tres actividades no barrio de San Pedro
Prima20, a festa do comercio local, celebra este sábado a súa última xornada cunha programación especial no barrio de San Pedro na que se inclúen contos, danza e pasarrúas.
MOBILIDADE E SEGURIDADE CIDADÁ
Activación do radar do paso inferior de Conxo con capacidade sancionadora a partir do vindeiro luns
A Concellaría de Mobilidade e Seguridade Cidadá lembra que o radar de control de velocidade no paso inferior de Conxo entrará definitivamente en funcionamento, con capacidade sancionadora, este vindeiro luns, 6 de xullo.