Noticias

O alcalde compostelán, Ángel Currás, e o director-xerente do Auditorio de Galicia, José Víctor Carou, presentaron a programación do Departamento de Cultura para este Nadal. Música clásica no Auditorio e unha nova edición do Todo Lírica; concertos de Compostela Rock, Íntimo&Acústico e Sons; dous espectáculos de Falabaratos; dous de Teatro&Danza e un apartado especial Infantil&Familiar, conforman esta programación pensada para satisfacer ao público de todas as idades e de todos...

Os concelleiros de Benestar Social, Paula Prado, e de Centros Socioculturais, Francisco Noya, asistiron á inauguración da exposición A enerxía da Asociación son os seus socios, realizada polos membros da Asociación Fonte da Virxe de Familiares e Amigos de Enfermos Mentais. Estará aberta na Fundación Granell ata o 15 de decembro.

O venres 14 de decembro, ás 19:00 horas, terá lugar no Teatro Principal un concerto de Rodrigo Romaní co título As arpas de Breogán, dedicado ao son da arpa céltica. Este evento está organizado pola Concellería de Educación para promover a participación dos escolares da cidade, do profesorado e das familias interesadas en achegarse ao mundo da música. A entrada é de balde, previa retirada da mesma no despacho de billetes do Teatro: de martes a xoves, de 18:00 a 21:00 horas, e o mesmo venres de 18:00 a...

O martes 11 de decembro, ás 10:00 horas, ábrese o prazo de preinscrición para os obradoiros de pais e nais con bebés que co título Medrar en familia organiza a Concellaría de Centros Socioculturais dentro do programa Vive o Nadal 2012.

O concelleiro de Vías e Obras, Juan de la Fuente, presentou o proxecto de mellora de beirarrúas no Ensanche, no que se investirán 228.838 euros. Ademais, deu conta dunha subvención da Consellería de Economía e Industria que permitirá completar a obra dunha nova beirarrúa na rúa das Mulas (Meixonfrío) e outras actuación no Polígono do Tambre.

O Concello de Santiago quere que os composteláns e os visitantes podan gozar das festas na cidade cun amplo programa de actividades, englobadas baixo o novo concepto #nadalamos. Non obstante, #nadalamos vai máis alá dun conxunto de actividades xa que pretende transmitir múltiples sensacións: ilusionar, felicitar, compartir, decorar, agasallar, degustar, cantar, sorprender, participar; en síntese, nadalar.

Nunha rolda de prensa conxunta, os concelleiros de Centros Socioculturais, Francisco Noya, e de Barrios, Juan de la Fuente, anunciaron a inminente contratación da obra de acondicionamento da Casa de Brandía (Vidán) como centro sociocultural. Esta actuación será sufragada pola Deputación da Coruña, que achegará 175.844 euros.

O alcalde compostelán, Ángel Currás, asistiu en Lavacolla aos actos con motivo da festividade da Virxe de Loreto, patroa do Exército do Aire.

O director-xerente do Auditorio de Galicia, José Víctor Carou presentou as dúas obras que quedan dentro do ciclo Teatro&Danza neste 2012: Gharbo!, o día 12, e El montaplatos, o 19. Na rolda tamén estiveron, para presentar Gahrbo!, Nelson Quinteiro, director escénico; Suso Vaamonde e Xosé Lois Romero, músicos; Iván Villar, coreógrafo; e Mercedes Suárez, directora do Centro Coreográfico Galego.

Durante a pasada ponte a Garda Civil de Tráfico de Santiago e a Policía Local efectuaron controis conxuntos e coordinados nas zonas limítrofes da cidade. En total, foron controlados 360 condutores, tramitáronse 15 denuncias administrativas e instruíuse un atestado.