ACCIÓN CULTURAL
Continúan as actividades de Vive o Verán
Nova semana de actividades no programa sociocultural Vive o verán. Este martes, os 120 rapaces e rapazas que participan nas Mañás de verán e de xogo realizan un tramo do Camiño de Santiago nos arredores de Padrón.
ACCIÓN CULTURAL
Alba María no arrinque do Artellando
A cantante compostelá Alba María protagonizará o concerto nocturno de arrinque da programación Artellando, enmarcada dentro das Festas do Apóstolo 2015. Será este sábado 18 de xullo, ás 23:00 horas, na praza do Toural.
CONSORCIO
A Real Filharmonía de Galicia supera o milleiro de seguidores en Twitter e acada os 2.632 fans en Facebook
A Real Filharmonía de Galicia acaba de superar o milleiro de seguidores en Twitter. A día de hoxe xa alcanzou os 1.021. Creada en abril de 2012, a conta @rfgalicia triplicou no último ano e medio o número de seareiros. Nela publícase información relacionada cos concertos e actividades da orquestra, imaxes, noticias de interese cultural, enlaces a vídeos, etc.
ACCIÓN CULTURAL
Fuoco e Cenere clausuran o Via Stellae 2015
A 10ª edición do Via Stellae chega este mércores ao seu fin cun concerto de Fuoco e Cenere ás 20:30 horas no Teatro Principal. Organizado e promovido polo Concello de Santiago e pola Xunta de Galicia, o Festival Via Stellae encheu de música Compostela, o seu casco histórico, durante máis de dúas semanas. Un total de 19 concertos dende o 29 de xuño que chegan ao seu fin con este concerto de Fuoco e Cenere.
ESPAZOS CIDADÁNS
O concelleiro de Espazos Cidadáns informará mañá aos veciños de Vista Alegre dos cambios introducidos nas obras de mellora da mobilidade e da accesibilidade do barrio
O concelleiro de Espazos Cidadáns, Dereito á Vivenda e Mobilidade, Jorge Duarte, manterá mañá mércores unha xuntanza coa Asociación de Veciños Álvaro Cunqueiro, de Vista Alegre. A cita terá lugar no seu local social ás 20:00 horas.
CONVIVENCIA
Protección Civil captura unha serpe bastarda no Parque Eugenio Granell
A Agrupación de Protección Civil de Santiago capturou unha serpe no parque Eugenio Granell, tras ser alertada da presenza do animal polos veciños do Restollal. Trátase dun exemplar de culebra bastarda ou Montpellier (Malpolon Monspessulanus).
PLENO
O Pleno aproba por unanimidade o réxime de dedicacións, persoal eventual e representación en organismos e comisións
O Pleno, en sesión extraordinaria, aprobou por unanimidade o réxime de dedicacións exclusivas e persoal eventual, que en palabras do alcalde, Martiño Noriega, suporá ao final da lexislatura un aforro de preto de 1,5 millóns de euros. Tamén se deu o visto bo á representación nos diferentes organismos e nas comisións informativas.
POLÍTICAS SOCIAIS
O Programa de Apoio Socioeducativo axudará a mozos e mozas a organizar os seus estudos e mellorar así o seu rendemento académico
A concelleira de Políticas Sociais, Concha Fernández, presentou o Programa de Apoio Socioeducativo Verán 2015, dirixido a mozos e mozas de entre 11 e 16 anos, que se desenvolverá no Centro Sociocultural de Vite, de luns a xoves, de 10:00 a 13:00 horas. De existir demanda, tamén se realizaría no CSC da Trisca. Esta iniciativa forma parte do Programa de hábitos de vida saudable, promoción da saúde e prevención de drogas, promovido dende a Unidade Municipal de Atención a Drogodependentes (UMAD).
POLÍTICAS SOCIAIS
Arte urbana en Amor Ruibal para lembrar o pasado do barrio de Pontepedriña
Dentro do Programa de hábitos de vida saudable, promoción da saúde e prevención de drogas, promovido dende a Unidade Municipal de Atención a Drogodependentes (UMAD), estase a realizar un mural coa técnica do graffiti nun inmoble da rúa Amor Ruibal. A concelleira de Políticas Sociais, Concha Fernandez, presentou esta intervención, realizada por Mutante Creativo e NO3L e que estará rematada a finais desta semana.
CONSORCIO
O Consorcio intervirá no Auditorio de Galicia co fin de evitar as filtracións da auga da choiva ao interior do edificio
O Consorcio de Santiago vai intervir no Auditorio de Galicia co fin de eliminar as humidades nas cubertas dos corpos que conforman a sala de exposicións, a cociña e a cafetería do inmoble. Os traballos, destinados a garantir a estanquidade do edificio, levaraos a cabo a empresa Rehabita, Gestión Integral de Rehabilitaciones y Restauración, S.L., cun orzamento global de 66.550 euros.