Noticias

A concelleira de Emigración e Inmigración do concello de Santiago de Compostela, Teresa Regúlez, mantivo o mércores 1 de marzo un encontro coa fundación arxentina "Españoles en el Mundo", en Buenos Aires. No encontro falouse da sinatura dun convenio que se materializará durante a visita que o alcalde compostelán, Xosé A. Sánchez Bugallo, ten previsto realizar nos vindeiros meses de abril ou maio.

O venres 3 de marzo comeza o programa de concertos didácticos de música tradicional que terán lugar en diferentes centros escolares da cidade promovido polo departamento de Educación e Mocidade do Concello de Santiago.

A Real Filharmonía de Galicia (RFG) celebrará, o venres 3 de marzo no Auditorio de Galicia, a súa primeira década de vida cun concerto no que se interpretarán o Saturnal de M. Balboa e a Obertura Egmont de Beethoven, baixo as batutas do seu director titular Ros Marbà e de Maximino Zumalave, director convidado.

O Antroido chega ao seu fin coa tradicional queima do Meco que terá lugar, o mércores 1 de marzo, na Praza Roxa.

O venres 3 de marzo o Auditorio de Galicia abrirá as súas portas para acoller ao milleiro de persoas que asistirán á celebración do décimo aniversario da Real Filharmonía de Galicia (RFG).

Os asistentes ao acto escoitarán a interpretación do Saturnal de M. Balboa e a Obertura Egmont de Beethoven, baixo as batutas do seu director titular Antoni Ros Marbà e de Maximino Zumalave, director convidado.

"A programación cultural para o mes de marzo é ampla e diversa para responder a diferentes demandas dos cidadáns". Así cualificaba o concelleiro de Cultura do Concello de Santiago, Néstor Rego, a programación cultural prevista para este mes de marzo na cidade.