BENESTAR SOCIAL
Entrega de diplomas aos participantes no programa de prevención "+ que fútbol"
A concelleira de Benestar Social, Paula Prado, entregou os diplomas aos participantes no programa + que fútbol, organizado pola Unidade Municipal de Atención a Drogodopendentes (UMAD), nun acto celebrado no pavillón do centro educativo Quiroga Palacios. Este programa vénse desenvolvendo todos os venres pola tarde.
CENTROS SOCIOCULTURAIS E BARRIOS
As concellerías de Centros Socioculturais e de Barrios acometen o arranxo do local sociocultural de San Lourenzo
Os concelleiros de Centros Socioculturais, Francisco Noya, e de Barrios, Juan de la Fuente, mantiveron unha xuntanza cos directivos da Asociación de Veciños "Río Sarela", presidida por Isabel Beiroa. Na reunión comunicáronlles que o arranxo do local sociocultural estará rematado neste trimestre.
ECONOMÍA
Emprendedores e novos empresarios poderán acceder a financiamento sen aval
O 2 de outubro, o edificio CERSIA acollerá unha sesión informativa organizada por AJE A Coruña sobre a liña de financiamento de ENISA, dirixida a proxectos empresariais que se constituirán nos últimos dous anos. O prazo de presentación de toda a documentación precisa para solicitar esta liña de financiamento remata o 9 de novembro.
XUNTA DE GOBERNO
O Concello cede unha parcela na Choupana para a Escola Oficial de Idiomas
A Xunta de Goberno aprobou a cesión gratuíta á Comunidade Autónoma dunha parcela para a construción da futura Escola Oficial de Idiomas. Na mesma sesión adxudicáronse as primeiras seis obras do Plan de Obras e Servizos 2012 da Deputación da Coruña.
CULTURA
Roderick Williams, protagonista do primeiro concerto do XIII Ciclo de Lied
O venres 21 comeza o XIII Ciclo de Lied cun concerto do barítono Roderick Williams acompañado ao piano por Roger Vignoles. Será a partir das 21:00 horas no Teatro Principal. Despois de Williams poderemos gozar coa voz da soprano Asmik Grigorian o día 25 e a do tenor Christoph Prégardien o 29, acompañados ao piano, como é habitual no ciclo, por Roger Vignoles.
EMPREGO
A Axencia Local de Colocación colaborará con Primark na colocación de máis de cen mozos e mozas composteláns
A cadea téxtil Primark ten previsto contratar para a súa nova tenda do Centro Comercial As Cancelas a máis dun centenar de mozos e mozas composteláns aos que lles guste a moda. Así o asegurou a directora de Recursos Humanos de Primark Iberia, Juana Rodero, ao remate da reunión que mantivo coa concelleira de Emprego, Paula Prado.
PARTICIPACIÓN CIDADÁ
Moi boa acollida das primeiras rutas de "Cultura Viva. Fai túa Compostela"
O programa educativo Cultura Viva. Fai túa Compostela, promovido pola Concellería de Participación Cidadá e Centros Socioculturais, segue a programar rutas didácticas pola cidade e as parroquias de Santiago.
CULTURA
Trinta e sete funcións no programa de Teatro&Danza de setembro a decembro
O alcalde compostelán, Ángel Currás, e o director-xerente do Auditorio de Galicia, José Víctor Carou, presentaron a programación do ciclo Teatro&Danza para este cuadrimestre setembro-decembro. En total serán 37 funcións de 18 propostas teatrais diferentes que se poderán ver no Teatro Principal e na Zona "C".
DEPORTES
A construción do novo campo de herba artificial de Conxo estará incluída nos orzamentos municipais de 2013
O alcalde compostelán, Ángel Currás, e o concelleiro de Deportes, Adrián Varela, recibiron a directiva do Club Deportivo Conxo. Estes recibiron o compromiso do rexedor municipal de que o novo campo de herba artificial previsto para o barrio estará incluído nos orzamentos de 2013.
SEGURIDADE CIDADÁ
Seguridade Cidadá reforza o dispositivo policial para a noite do xoves
A Concellería de Seguridade Cidadá vai reforzar o dispositivo policial para a noite de mañá xoves, 20 de setembro. Ante a previsible maior concentración de mozos e mozas por ser o primeiro xoves do curso, o Concello vai intensificar as medidas de control e seguimento que xa se veñen realizando habitualmente.
