Noticias

O Concello de Santiago puxo a disposición das familias dos afectados polo accidente ferroviario distintas opcións de aloxamento, grazas á colaboración de hostaleiros, residencias e familias da cidade.

A concelleira de Comercio, Reyes Leis, e a directora xeral de Comercio, Sol Vázquez, comezaron a entrega dos paquetes promocionais aos 27 comercios participantes no programa de dinamización comercial Sensacion-all Compostela. O teu comercio está de moda, realizado por primeira vez no mes de xuño.

A Xunta de Goberno, na súa sesión ordinaria, aprobou a encomenda ao Consorcio dos traballos de redacción do Plan especial de protección do solo vinculado ao Camiño Francés de Santiago (PE-3). Ademais, adxudicou as obras na Finca do Espiño e as de rebacheo nas parroquias de Compostela.

Continúan as actividades do programa Vive o verán, da Concellería de Centros Socioculturais. O venres 26 de xullo, no parque da Alameda (diante do palco da música) unha nova xornada de xogos tradicionais, na que participarán 90 nenos dos centros socioculturais de Vite, Conxo e da parroquia da Gracia, que gozan das Mañás de verán e de xogo.

O alcalde compostelán, Ángel Currás, acompañado polos concelleiros María Pardo e Juan de la Fuente, asistiron na praza Roxa á presentación da campaña de concienciación social "Separemos ben, reciclaremos mellor", organizada polo Concello en colaboración con Sogama, Ecoembes e a Consellería de Medio Ambiente.

O Concello de Santiago de Compostela comunica que se anulan todos os actos da festividade do Apóstolo por mor do descarrilamento dun tren na tarde de hoxe no lugar de Angrois.

O Concello de Santiago de Compostela informa que se habilita o edificio CERSIA (rúa Raimundo López Pol-San Lázaro) para a atención aos familiares.

Agradécese á cidadanía a resposta, pero prégase que non acudan a doar sangue ao Centro de Transfusión do Monte da Condesa (Campus Sur), que xa te atopa colapsado. Lémbrase que para doar é imprescindible, entre outros requisitos, non ter consumido bebidas alcólicas nas últimas 24 horas.

Así mesmo lembramos que, unha vez...

Continua unha semana máis o programa Vive o verán. Nesta xornada de martes, os rapaces das Mañás de xogo do Local Sociocultural de Nemenzo participaron nunhas xornadas especiais dedicadas á seguridade viaria, que lles permitiu coñecer o traballo dos Bombeiros, da Policía Local e de Protección Civil. O concelleiro de Centros Socioculturais, Francisco Noya, uniuse á sesión. Na xornada anterior foron os nenos e nenas do LSC da Gracia os que recibiron esta visita.

O Centro Xuvenil e Municipal do Ensanche foi o punto de reunión dos rapaces e rapazas participantes no campamento multiaventura organizado pola Concellería de Xuventude no marco do programa Verán Activo 2013. A edil de Xuventude, Rebeca Domínguez, acompañou a expedición, que se dirixiu a Carcacía (Padrón).

Santiago continúa crecendo como destino turístico internacional. Segundo os datos do Instituto Nacional de Estatística (INE), no mes de xuño alcanzouse o maior número de pernoctacións internacionais nun só mes da historia da cidade, con 65.389. A anterior marca producírase en setembro do ano 2012, con 64.193. O terceiro mes remóntase a setembro do ano 2010, cando foron 62.207. O dato é importante non só pola cifra alcanzada senón porque se produce no mes de xuño, cando dende 2009 o mes do ano con maior...