ALCALDÍA
O Consorcio avanza nos traballos para abrir o Museo das Peregrinacións e de Santiago
O alcalde compostelán e presidente do Consorcio, Ángel Currás, reuniuse en Raxoi coa xerente do organismo interadministrativo, María Antón.
RÉXIME INTERIOR, EDUCACIÓN E PARTICIPACIÓN CIDADÁ
Catrocentos escolares coñeceron de preto o Concello na Xornada de Portas Abertas
O Concello celebrou unha nova Xornada de Portas Abertas. Ao longo da xornada, máis de 400 escolares pasaron por Raxoi para coñecer de preto a Administración Municipal.
ECONOMÍA
Santiago de Compostela desenvolverá un proxecto piloto pioneiro a nivel mundial para a loita contra a falsificación
A concelleira de Economía e Comercio, Reyes Leis, e o director xeral de DNET, Manuel Montes, presentaron un proxecto piloto pioneiro no mundo para a implantación dunha innovadora tecnoloxía anti-falsificación en empresas fabricantes e puntos de venda da cidade. Esta presentación fíxose na véspera do Día Mundial contra a Falsificación.
XUNTA DE GOBERNO
Vía libre á solicitude de licenzas para o solo residencial de Romero Donallo
A Xunta de Goberno aprobou definitivamente o proxecto de compensación do SUP-1 de Romero Donallo. Deste xeito, os promotores deste solo residencial privado poden xa comezar a solicitar as correspondentes licenzas para construír as 200 vivendas e demais espazos previstos.
DEPORTES
Festa do waterpolo alevín e benxamín na piscina municipal de Santa Isabel
O concelleiro de Deportes, Adrián Varela, presentou o campionato de waterpolo que acollerá a piscina de Santa Isabel en categoría alevín o sábado 9 de xuño. Participarán uns 90 rapaces e rapazas de oito clubs galegos.
CULTURA
Godoy debuta en Galicia con "Verás que todo es mentira" dentro do ciclo Falabaratos
O humorista uruguaio Godoy debuta en Galicia dentro do ciclo Falabaratos, monólogos, contos e outros shows co seu espectáculo Verás que todo es mentira. Será o venres 8 de xuño, a partir das 21:00 horas, no Teatro Principal. As entradas, a 12 € butaca, platea e primeira planta; 10 € na segunda planta; e 8 € no anfiteatro, poden mercarse na billeteira do Teatro Principal e en Novagaliciabanco Con Godoy péchase esta edición do ciclo, polo que pasaron xa no que vai de ano David Amor, Quico Cadaval, Sergio Pazos, Luis Piedrahita,.../em>
CENTROS SOCIOCULTURAIS
O Concello aforrará máis de 1.000 euros mensuais trasladando a actividade do local sociocultural de San Pedro ao CSC da Trisca
A Xunta de Goberno aprobou, a proposta do concelleiro de Centros Socioculturais, Francisco Noya, a non renovación a partir de xullo do alugueiro do local sociocultural situado na rúa das Fraguas, no barrio de San Pedro, que viña sendo utilizado habitualmente pola Asociación de Veciños A Xuntanza. A actividade trasladarase ao Centro Sociocultural da Trisca, de titularidade municipal, aforrando deste xeito máis de 1.000 euros ao mes.
EDUCACIÓN
Inaugurada na Galería Sargadelos a exposición "Un mundo de posibilidades"
A concelleira de Educación, Rebeca Domínguez, inaugurou a exposición Un mundo de posibilidades, realizada a partir dos traballos dos nenos e nenas das escolas infantís municipais no marco do proxecto de arte do mesmo nome. A mostra estará aberta ata o 2 de xullo na Galería Sargadelos.
CENTROS SOCIOCULTURAIS
O programa Compostela Cine Classics pecha a súa exitosa primeira edición cun concerto vocal de versións de música de cine
Compostela Cine Classics’12 chega ao seu fin cun concerto vocal moi especial, con música de cine, que se celebrará o sábado 9 de xuño, ás 20:00 horas, na igrexa da Universidade (praza de Mazarelos). O grupo Remata así unha primeira edición do ciclo marcada pola alta participación, xerando incluso novos usuarios dos centros socioculturais.
RÉXIME INTERIOR, EDUCACIÓN E PARTICIPACIÓN CIDADÁ
Os composteláns están convidados a coñecer o seu Concello na Xornada de Portas Abertas
Os concelleiros de Educación, Rebeca Domínguez; Participación Cidadá, Francisco Noya; e Réxime Interior, Amelia González, presentaron unha nova edición da Xornada de Portas Abertas. Celebrarase o venres 8 de xuño, data na que calquera cidadán poderá visitar o Concello entre as 9:30 e as 20:00 horas e coñecer as súas dependencias e funcionamento.