EDUCACIÓN E CIDADANÍA
Aberto o prazo de solicitude de participación nos obradoiros das escolas infantís municipais para o curso 2017-2018
A Concellaría de Educación e Cidadanía comunica que xa se pode solicitar a participación nos obradoiros das escolas infantís municipais de Conxo, As Fontiñas e Meixonfrío Salgueiriños para o curso 2017-2018. Estes talleres, dirixidos a nenos e nenas de entre 3 e 8 anos, desenvolveranse durante o curso e tamén en períodos de vacacións escolares. Ofrécese un total de 45 prazas entre os tres centros.
ALCALDÍA
O WOS Festival celebra a súa IV edición consolidado como "o evento das propostas máis arriscadas"
Santiago acollerá, do 6 ao 10 de setembro, a cuarta edición do WOS Festival, un evento de carácter anual que pretende ofrecer unha visión ampla da cultura alternativa e de vangarda. O alcalde, Martiño Noriega, participou hoxe na presentación do festival promovido pola produtora Work On Sunday, que "demostra que o relato cultural da cidade ten que construírse, non só dende as institucións, senón tamén desde a propia xente".
ACCIÓN CULTURAL
Renovación e venda de abonos da nova tempada da Real Filharmonía de Galicia
Xa está aberto o prazo para a renovación dos abonos da nova tempada da RFG. Ata o venres 8 de setembro, as persoas abonadas poden actualizar a súa afiliación nos teléfonos do Auditorio (981 571 026, en horario de 11:00 a 14:00 horas) e Abanca (902 434 443, en horario de 08:00 a 22:00 horas), e tamén en entradas.abanca.com en horario ininterrompido.
XUNTA DE GOBERNO
Aprobado o proxecto de restauración do itinerario fluvial do Sarela
A Xunta de Goberno aprobou este venres o proxecto de restauración e mellora do itinerario fluvial De ponte a ponte polo río Sarela. A actuación, que será executada grazas ao convenio asinado polo Concello e o Consorcio, conta cun orzamento de licitación de preto de 90.000 euros, e un prazo de execución de tres meses.
ALCALDÍA
O Concello e a Fundación ONCE colaborarán en accións para a integración social e laboral das persoas con discapacidade
O Concello de Santiago e Inserta, entidade sen ánimo de lucro promovida pola Fundación ONCE, van colaborar na posta en marcha de accións para a integración social e laboral das persoas con discapacidade. Así se establece no convenio asinado hoxe polo alcalde, Martiño Noriega, e o vicepresidente executivo da Fundación ONCE, Antonio Durán. No acto tamén estivo presente a directora da entidade en Galicia, Menchu Iglesias.
CONVIVENCIA
Descende o número de infraccións durante a campaña de control de velocidade en agosto
Os controis de velocidade realizados pola Policía Local de Santiago entre o 21 e o 27 de agosto, no marco da campaña da DXT, constataron un descenso no número de infraccións en relación á campaña do pasado ano por estas datas.
LINGUA
O programa Apego comeza as súas actividades de setembro con obradoiros e contos
O programa Apego trae novas actividades neste mes de setembro, coincidindo co inicio do curso escolar. Entre as accións previstas figuran obradoiros de baile e tempo de lecer, teatro infantil e actuacións musicais.