Noticias

As Festas do Apóstolo chegan o martes 31 ao seu fin tras dezanove intensos días de gran variedade de actividades pensadas para toda a familia e para todas as idades. Unhas festas marcadas pola participación dos composteláns e visitantes e o civismo amosado en todas as xornadas.

O 31 de agosto remata o prazo de presentación de solicitudes do programa de Incentivos para a creación de novas empresas Compostela Activa 2007, que desenvolve a Concellaría de Promoción Económica, Emprego, Comercio e Turismo. Este ano o volume das axudas increméntase un 33%, pasando dos 30.000 euros do 2006, dos que se beneficiaron 29 proxectos empresariais, a 40.000 euros.

A sede da Fundación Caixa Galicia acolleu a presentación do libro "Historia Pequeña de León". Esta obra, editada pola Fundación Carriegos e financiada pola Fundación Caixa Galicia, contén textos do escritor, periodista e poeta Victoriano Crémer, e están extraídos das columnas de opinión que Crémer publicou na prensa leonesa nos anos 50 e 60.

É unha cita tradicional do cartel festivo: o desfile de automóbiles antigos polas rúas da cidade e o concurso de traxes de época na praza das Praterías. Os vellos e vistosos cacharros circularon un ano máis pola ateigada zona vella, arredor de corenta, ante a sorpresa e admiración de turistas, cidadáns curiosos e interesados polo mundo do motor.

Os últimos polígonos de vivendas previstos no pechado Plan Xeral de Ordenación Urbana (PXOU) e contemplados no programa da Empresa Municipal de Vivenda e Solo (Emuvissa) estarán en execución ou contratados a principios de 2008, segundo anunciou o alcalde compostelán, Xosé A. Sánchez Bugallo. As obras de urbanización dunha destas superficies, a do SUNP-14, en Tras Paxonal, foron adxudicadas no Consello de Administración da empresa municipal celebrado en Raxoi, por un importe de 3.943.005 euros.

O Consello de Administración da Empresa Municipal de Vivenda e Solo (Emuvissa) aprobou a proposta de intervención no inmoble situado na rúa do Medio, 65, que se converterá así no primeiro en marcha do Programa de Edificios Tutelados. Este edificio será rehabilitado e Emuvissa asumirá a súa xestión por un período de 17 anos. Quedarán tres vivendas e un baixo, que serán alugados por 336 euros mensuais.

Na súa habitual rolda de prensa dos venres, o alcalde compostelán, Xosé A. Sánchez Bugallo, expresou as súas felicitacións aos corpos de seguridade "pola súa presenza e intervencións" nas Festas, especialmente nas inmediacións do 25 de xullo. Así, expresou a súa satisfacción porque non se tivera producido ningún "disgusto" nestas datas.

O alcalde compostelán valorou a "necesaria" aprobación do Plan Especial de protección e rehabilitación do conxunto fabril da antiga papeleira de Brandía no Pleno do 26 de xullo, aínda que indicou que "tería sido perfecto que non fora un tema conflitivo". Sánchez Bugallo indicou que o proxecto "vai mellorar a calidade dos veciños e redundará en beneficio de todos".

Como en cada edición das Festas do Apóstolo, celebrouse o Día de Padrón. Nesta ocasión, a delegación padronesa viña encabezada polo novo alcalde, Camilo Forján Seoane, quen foi recibido na praza do Obradoiro polo rexedor compostelán, Xosé A. Sánchez Bugallo.

A cantaora flamenca Estrella Morente presenta o sábado 28 en Santiago, o seu último traballo: "Mulleres". A cita será na Quintana ás 23:00 horas. Neste disco a cantante granadina rende unha homenaxe ás mulleres a través dunha ampla gama de sons e estilos, que inclúen alegrías, tangos, bulerías, soleás, tarantas e cancións clásicas. Arroupada por un gran cadro flamenco, de ben seguro non decepcionara aos que acudan a este concerto.