ACCIÓN CULTURAL
Desfiles de disfraces e Xenerais da Ulla para celebrar o Entroido
A concelleira de Acción Cultural, Branca Novoneyra, deu conta hoxe da programación do Entroido, nun acto celebrado no Teatro Principal no que tamén se desvelou o aspecto que terá este ano o Meco. Na presentación participou tamén o creador da figura, José Manuel Méndez, e deuse a coñecer o cartel das festas, deseñado polo artista Marcos Vigo.
ESPAZOS CIDADÁNS
Clara Campoamor terá tres carrís e regulará o acceso á estación de autobuses mediante semáforos
O viario Clara Campoamor terá finalmente tres carrís, un en cada sentido de circulación e un central que terá un dobre uso: carril de incorporación e saída dos autobuses no ámbito da futura estación, e carril adicional de circulación nos accesos ás rotondas do Restollal e de Sar. A regulación dos accesos e saídas á estación farase mediante semáforos, como recomendan os informes técnicos, e o viario terá carril bici nas dúas marxes.
IGUALDADE E EMPREGO
Aurélie Salvaire e outras tres mulleres achegarán a súa experiencia no encontro "Mulleres mudando a balanza"
A concelleira de Igualdade, Marta Lois, presentou hoxe o encontro "Mulleres mudando a balanza", encontro con empresarias e emprendedoras profesionais galegas, que contará coa presenza da activista e experta en xénero Aurélie Salvaire. Será o vindeiro mércores 6 de marzo, a partir das 19:00 horas, no Auditorio Abanca. A entrada é de balde ata completar aforo.
ALCALDÍA
O alcalde asiste á inauguración da nova tenda de xardín de Leroy Merlin, que supón a creación de 46 postos de traballo
O alcalde de Santiago, Martiño Noriega, asistiu hoxe á inauguración dun novo punto de venDa especializado en xardín de Leroy Merlin, que abrirá ao público mañá xoves no polígono de Costa Vella. Na inauguración estiveron, ademais do rexedor, o director rexional Noroeste, José Ramón Abad; o director da nova tenda, Julio Rodríguez, e os traballadores e traballadoras.
EDUCACIÓN E CIDADANÍA
Segundo concerto da Escola Municipal de Música na Aula Hospitalaria do CHUS
Este xoves ,28 de febrero, celebrarase o segundo dos concertos que a Escola Municipal de Música realizará neste presente curso no marco de colaboración existente entre o Concello e a Aula Hospitalaria do Hospital Clínico.
INNOVACIÓN
Os concellos de Santiago, A Coruña, Madrid e Zaragoza crean unha web conxunta no marco do programa Red.es
Os concellos de Santiago, A Coruña, Madrid e Zaragoza poñen en marcha a web ciudadesabiertas.es, un novo espazo no que a veciñanza das catro cidades poderá coñecer a actividade dos seus concellos, dentro do proxecto Plataforma de Goberno aberto, colaborativo e interoperable, beneficiario da convocatoria de cidades intelixentes impulsado por Red.es.