Noticias

En maio continúa a programación de abono da Real Filharmonía, coa cita ineludible da música de "Il Re Pastore", protagonista dun de los concertos estrela do Auditorio de Galicia. Ademais, o público compostelán poderá gozar este mes coas batutas de Jean Jacques Kantorow e de Frans Brüggen.

Ao longo de 2006, Santiago acolleu 271 reunións, unha máis que en 2005, nas que participaron 57.489 persoas, un 17% máis que no ano precedente. Estes son algúns dos datos que ofrece o "Estudo sobre o turismo de reunións na cidade de Santiago (Ano 2006), presentado polo concelleiro de Turismo, Francisco Candela.

A actuación que en materia de saneamento e abastecemento de auga executará o Concello, en colaboración coa Consellería de Medio Ambiente, nas parroquias do rural vén de experimentar un importante avance trala aprobación por parte da Xunta da primeira fase deste plan.

A cantante de jazz Terela Gradín presenta o sábado 14 de abril, ás 21:30 horas, no Teatro Principal, o seu primeiro disco "Lost". As entradas terán un prezo único de catro euros e poderán adquirirse alí mesmo o propio día do concerto en horario de 12:00 a 14:00 horas e dende as 18:00 horas ata o comezo do mesmo.

O concelleiro de Promoción Económica, Xosé Manuel Iglesias, entregou os diplomas dos cursos de formación ocupacional do Plan FIP (Formación e Inserción Profesional) e Experimentais impartidos pola Concellaría de Promoción Económica no ano 2006 e cofinanciados pola Xunta de Galicia e o Fondo Social Europeo. Oitenta persoas, entre profesores e alumnos inscritos nas distintas actividades formativas asistiron ao acto celebrado no Salón Vermello do Pazo de Raxoi.