FESTAS
Santiago estrea Banda de Cornetas e Tambores
A Cabalgata de Reis será o primeiro acto no que tomará parte a nova Banda de Cornetas e Tambores de Santiago. A nova formación está composta por nove percusionistas e cinco cornetas e participará a partir de agora en diversos actos institucionais.
FESTAS
Os Reis Magos repartirán 2.500 quilos de caramelos
O concelleiro de Festas, Xosé Baqueiro, presentou as actividades previstas con motivo da Cabalgata de Reis. As súa Maxestades chegarán un ano máis en tren, dando paso a un multitudinario percorrido no que participarán 230 figurantes e 10 carrozas.
ALCALDÍA
Amador Santos Bartolomé pon fin a unha brillante traxectoria na dirección da Banda Municipal de Música
O director da Banda Municipal de Música de Santiago, Amador Santos Bartolomé, xubílase e deixa o seu cargo despois dunha brillante traxectoria de 40 anos. O músico e compositor quixo pasar por Raxoi para despedirse profesionalmente do alcalde, Xosé A. Sánchez Bugallo.
CULTURA
A Filharmonía amplíase para tocar Gershwin e Bernstein nun Concerto de Reis benéfico
O venres 5 de xaneiro, as dez da noite, o Auditorio de Galicia acolle un concerto que ten por protagonista á infancia. Nun día tan especial para os cativos como é a véspera de Reis, a RFG quere colaborar con UNICEF, destinando o importe íntegro da recadación do concerto á campaña "Unidos pola infancia. Unidos contra a SIDA". Ademais habilitarase unha fila cero para todos aqueles que queiran colaborar coa campaña, pero non poidan achegarse ata o Auditorio.
CULTURA
Os valses e as polcas soaron no Auditorio
A Strauss Festival Orchestra ofreceu un concerto no Auditorio de Galicia. Esta formación é en realidade a Orquesta Sinfónica da Ópera Nacional de Minsk, que toma este nome nas súas xiras do Gran Concerto de Aninovo. O alcalde compostelán, Xosé A. Sánchez Bugallo, no quixo perderse o concerto.
