NORMALIZACIÓN LINGÜÍSTICA
A orixe do Meco, en galego
A Concellería de Normalización Lingüística vén de pór en marcha unha iniciativa coa fin de asociar os personaxes típicos da nosa cultura co uso da lingua galega. Por iso e, a propósito do Entroido, estanse a repartir 8.000 exemplares dun folleto lúdico-educativo sobre o Meco.
DEPORTES
Seis equipos disputarán en Santa Isabel a Copa Galega Absoluta de Waterpolo
O concelleiro de Deportes, Andrés Fariña, presentou a Copa Galega Absoluta de Waterpolo, que se disputa o sábado 2 de febreiro na piscina municipal de Santa Isabel.
PLENO
Aprobada a modificación puntual do Plan Parcial do SUP-7 de Pontepedriña
O Pleno municipal aprobou definitivamente a modificación puntual do Plan Parcial do solo urbanizable programado número 7 (SUP-7) de Ponte Pedriña. Os pequenos cambios afectan á composición volumétrica e estética das edificacións proxectadas.
PLENO
Seis mil clientes veranse afectados en Compostela pola supresión da tarifa nocturna
Uns 6.000 clientes de Santiago, 450 deles no Casco Histórico, son usuarios da tarifa nocturna e veranse afectados pola súa supresión. Por este motivo, o Pleno municipal, co voto favorable do grupo de Goberno, aprobou unha moción presentada polo BNG na que se insta ao Ministerio de Industria, Turismo e Comercio ao mantemento da tarifa nocturna ou, no seu caso, á creación dun sistema de tarificación semellante.
ALCALDÍA
O foro España-Xapón reunirase en Santiago en outubro de 2008
O alcalde, Xosé A. Sánchez Bugallo, acudiu á Feira Internacional de Turismo, FITUR, para asistir aos actos convocados polo Grupo de Cidades Patrimonio da Humanidade de España. Previamente visitou, acompañado do concelleiro de Turismo, o stand de Galicia.
PROXECTO URBANO
Urbana Santiago Norte, unha iniciativa para a rexeneración dunha área de máis de 15.000 habitantes
O alcalde de Santiago, Xosé A. Sánchez Bugallo, presentou en público e a toda a cidadanía o programa Urbana Santiago Norte. Nun acto celebrado no Conservatorio Profesional de Música e acompañado polo tenente de alcalde, Néstor Rego, deu así a coñecer un programa ilusionante que aspira a dinamizar e a rexenerar económica e socialmente os barrios do norte da cidade, cun investimento de máis de 15 millóns de euros.
TURISMO
Santiago, premiada en FITUR pola súa xestión da calidade turística
O concelleiro de Promoción Económica e Turismo, Xosé Manuel Iglesias, recolleu o diploma que outorga a Secretaría Xeral de Turismo a Santiago de Compostela pola continuidade na aplicación do Sistema Integral de Calidade Turística Española en Destino. Santiago ten xa 124 empresas turísticas adheridas a esta marca de calidade.
ALCALDÍA
Investigadores da comunicación debaten en Santiago sobre os retos da súa disciplina
O I Congreso Fundacional Internacional da AE-IC reúne en Santiago de Compostela a centos de profesionais da investigación en comunicación. Na Facultade de Ciencias da Información, entre o 30 xaneiro e o 1 de febreiro, debaterán sobre cuestións actuais que preocupan e afectan a este ámbito.
UMAD
"Lazos": a superación de barreiras persoais en imaxes
As instalacións da Escola Profisional de Aveiro (Portugal) acollen a presentación da curtametraxe Lazos, realizada grazas á colaboración desta institución con pacientes da Unidade Municipal de Atención a Drogodependentes (UMAD).
UMAD
O xuíz de menores Emilio Calatayud dá unha charla a mozas e mozos composteláns
Emilio Calatayud, xuíz titular do Xulgado de Menores número 1 de Granada, coñecido polas súas sentenzas educativas, estará en Santiago de Compostela o venres 1 de febreiro. Ás 10.30 horas manterá no Auditorio de Galicia un encontro cos medios de comunicación, no que estará acompañado pola concelleira de Benestar Social, Mar Martín. A continuación, sobre as 11.00 horas, ofrecerá unha charla sobre os dereitos e deberes dos novos no ámbito da Lei do Menor a un grupo de 240 alumnos de 3º e...
