Noticias

O alcalde de Santiago, Martiño Noriega, recibiu o embaixador de Irán, Mohammad H. Fadaifard.

O Matadoiro de Compostela vén de ampliar o prazo para a presentación de proxectos que opten a seren "residentes" na antiga Casa da Xuventude. As candidaturas poderanse enviar ata o próximo día 20, e o obxectivo é que o día 23 de xullo se dean a coñecer os cinco proxectos elixidos.

O Boletín Oficial da Provincia publica hoxe as bases da convocatoria de subvencións "en especie" para a instalación de carpas en eventos veciñais e para actividades en apoio das festas patronais en barrios en parroquias. A iniciativa está dirixida a todas as asociacións de veciños legalmente constituídas no Concello de Santiago, e no seu defecto ás comisións de festas. En último caso poderá acollerse á convocatoria calquera outra entidade constituída xuridicamente.

Os concellos da Mancomunidade da Comarca de Compostela seguen explorando vías de colaboración, unha vez reactivado este órgano no pasado mes de maio, tras máis de catro anos sen terse celebrado ningunha reunión do seu plenario. Onte tivo lugar unha xuntanza da Comisión Mixta creada para abordar cuestións de interese para os sete municipios membros, que non estean relacionadas coas emerxencias ou coas contas da mancomunidade. A reunión estivo presidida polo concelleiro compostelá de Medio Ambiente e Convivencia, Xan Duro, e contou...

A Banda Municipal de Música sumarase o domingo á programación das festas do Apóstolo cun concerto moi especial, no que lle renderá homenaxe a Los Tamara. Será a partir das dez da noite na praza da Quintana e con entrada libre. A concelleira de Acción Cultural, Branca Novoneyra e o director da Banda, Casiano Mouriño, presentaron hoxe esta proposta, nunha rolda de prensa na que tamén participaron Rosa Cedrón e Paco Lodeiro, dous dos tres cantantes solistas que participarán no recital. O terceiro será Miguel...

A programación das Festas do Apóstolo vén de sumar unha nova actividade, dirixida ao público familiar. Trátase dunha xornada de xogos populares, que se desenvolverá na Alameda na tarde do próximo venres 15 de xullo, xusto antes do pregón inaugural dos festexos a cargo de Anxo Carracedo.

Este venres 15 remata o prazo para que as novas empresas presenten as súas solicitudes á liña de axudas de Compostela Móvese, cun orzamento de 100.000 euros, que busca apoiar o desenvolvemento empresarial mediante axudas a fondo perdido sobre o gasto corrente da empresa. Con esta liña de axudas apóstase por modelos empresariais cooperativos e integradores, apoiando os sectores económicos definidos como claves para o desenvolvemento económico sostible do Concello.

Womex, a maior feira do mundo da word music xa deu a coñecer os 33 grupos da selección oficial, que proveñen dende Xapón ata Portugal, pasando por Mauritania, Finlandia, Macedonia, Uzbekistán, Colombia, Canadá ou China, entre moitos outros países. Radio Cos é a banda galega na selección oficial; mentres que Xabier Díaz & Adufeiras de Salitre e Narf & Timbila Muzimba foron seleccionados para o escenario Atlantic Connections, que acollerá as mellores propostas da Península Ibérica e...

Un ano máis, o Cinema Numax e Curtocircuíto. Festival Internacional de Cine de Santiago de Compostela xuntan forzas para organizar actividades en común. A colaboración neste 2016 iníciase coa inclusión periódica na carteleira de Numax de distintas curtametraxes seleccionadas nas últimas edicións do festival.

O Concello de Santiago volve sortear este ano 25 convites dobres (agraciado/a e acompañante) para presenciar o espectáculo luminoso e pirotécnico da noite do 24 de xullo dende a zona habilitada para os e as convidadas. Estes convites dobres súmanse aos 10 xa entregados como premio a participantes na iniciativa ambiental Tropa Verde.