ALCALDÍA
O pallaso Iván Prado chega en peregrinación a Santiago para pedir a liberdade do artista palestino Abu Sakha
O pallaso Iván Prado culminou este mediodía a peregrinación que iniciou o pasado 29 de maio en Xixón para reclamar a liberdade de Abu Sakha, un artista palestino que o Estado de Israel mantén encarcerado sen cargos dende hai 18 meses. Prado foi recibido na praza do Obradoiro polo alcalde, Martiño Noriega, que despois presidiu unha recepción oficial no Salón Nobre do Pazo de Raxoi na que participaron concelleiros dos catro grupos municipais.
ALCALDÍA
Santiago de Compostela, sede do primeiro encontro internacional de coprodución de ficción televisiva
Santiago vai ser a sede, do 20 ao 23 de xuño, do Conecta Fiction, o primeiro encontro dedicado á coprodución de ficción televisiva entre Europa, Latinoamérca e Estados Unidos. O foro vai reunir a representantes de máis de 35 canles de televisión de referencia internacional. O alcalde e presidente do Consorcio, Martiño Noriega, participou este mediodía na presentación do encontro e mostrou a súa satisfacción porque "Compostela vaia servir de lugar de encontro para os profesionais dun sector que...
ACCIÓN CULTURAL
Bota a andar o novo ciclo "As raíces na pedra" ao abeiro da SELIC
A Semana do Libro de Compostela chega mañá domingo ao seu final, e faino estreando un novo ciclo que xorde da colaboración entre o Concello e catro das agrupacións folclóricas máis importantes da cidade, As raíces na pedra. Será na praza das Praterías, a partir das cinco da tarde.
EDUCACIÓN E CIDADANÍA
O Eixo Atlántico define as súas prioridades para os vindeiros dez anos
O concelleiro de Educación e Cidadanía, Manuel Dios, participou en Braga no Congreso do Eixo Atlántico, que neste seu 25º aniversario debateu o documento da axenda urbana, fixando as prioridades para as cidades da Eurorrexión Galicia-Norte de Portugal para os vindeiros dez anos.
XUNTA DE GOBERNO
Aberto o procedemento de adxudicación da cafetería da Granxa do Xesto
A Xunta de Goberno acordou este venres abrir o procedemento de adxudicación da explotación da cafetería da Granxa do Xesto. A principal novidade é que o proceso está reservado a centros especiais de emprego e empresas de inserción.
PATRIMONIO
Jorge Duarte participa en Córdoba nunhas xornadas sobre sustentabilidade nos centros históricos
Córdoba acolle este xoves e venres un encontro co título "Sustentabilidade e convivencia en centros históricos, uso e goce do espazo público e xestión da contaminación acústica. Smart City/Smart Heritage: Intercambio de experiencias nas Cidades Patrimonio da Humanidade de España". O concelleiro de Espazos Cidadáns, Jorge Duarte, participa nestas xornadas xunto con outros edís responsables de Patrimonio das Cidades Patrimonio.
DEPORTE
Salgueiriños acolle a XI edición de XiraKarting, que achegará o mundo do motor ao público familiar
A concelleira de Deporte, Noa Morales, presentou esta mañá a undécima edición de XiraKarting Galicia, que se celebra do 9 ao 11 de xuño nun circuíto instalado en Salgueiriños. Na rolda estivo acompañada por Raquel González, directora de RGM Eventos; Antonio Cortés, director de Marketing de Gadisa, e Ernesto Vázquez, da Federación Galega de Automobilismo.
ACCIÓN CULTURAL
O Premio Antón Risco de literatura fantástica e as traducións ao vivo protagonizan a penúltima xornada da SELIC
A Semana do Libro de Compostela vai chegando á súa fin cunha penúltima xornada na que a praza da Quintana acollerá actividades de 12:00 a 22:00 horas.
XUNTA DE GOBERNO
O Goberno local destinará preto de 200.000 euros á mellora do pavillón de Monte dos Postes
A Xunta de Goberno aprobou hoxe o expediente da obra de reforma da cuberta e mellora da iluminación do pavillón deportivo municipal de Monte dos Postes, un proxecto longamente demandado. A actuación será adxudicada mediante procedemento negociado sen publicidade. O tipo de licitación establecido é de 190.000 euros.
CONVIVENCIA
O Goberno reorganiza as áreas de aparcamento para residentes da cidade vella
O concelleiro de Medio Ambiente e Convivencia presentou hoxe as modificacións que se van poñer en marcha en distintas zonas de aparcamento a partir do 1 de xullo, e que lle afectan fundamentalmente á cidade histórica. Xan Duro explicou que os cambios, que serán aprobados mañá pola Xunta de Goberno, "responden ás solicitudes recibidas no Departamento de Tráfico, tanto por parte de particulares como de asociacións veciñais". Ademais, dixo, "atenden á filosofía do Executivo de potenciar a...