CENTROS SOCIOCULTURAIS
Obradoiros, teatro, cine, baile e xogos na XXVI Semana Cultural de Conxo
O concelleiro de Participación Cidadá e Centros Socioculturais, Francisco Javier Noya, inaugurará o martes 6, ás 20:15 horas, no Centro Sociocultural "Aurelio Aguirre" de Conxo, a Semana Cultural de Conxo. O propio edil, acompañado do técnico Xulio Noia, presentou a programación dunha edición número XXVI que contará con teatro, exposicións, obradoiros, baile, cine, monicreques e outras actividades lúdicas.
CULTURA
Talentos novos rusos e galegos no I Encontro Internacional Peregrinos Musicais
O concelleiro de Cultura, Ángel Currás, presentou o I Encontro Internacional Peregrinos Musicais, que se celebra na nosa cidade do 6 ao 9 deste mes. Fíxoo acompañado de Maximino Zumalave, director asociado da Real Filarmonía de Galicia, e Alexander Gold, director do encontro e representante da Fundación Vladimir Spivakov que colabora no mesmo. Estaba tamén prevista a presenza de Ilona Timchenko, directora artística do evento que non puido estar presente finalmente por problemas cun voo. No marco do encontro celebraranse dous concertos no...
ALCALDÍA
Primeira toma de contacto de Conde Roa cos directivos da concesionaria Urbaser
O alcalde compostelán, Xerardo Conde Roa, reuniuse con Santiago Alonso, director xeral de Urbaser, a concesionaria do servizo de recollida do lixo e limpeza viaria no Concello. Tamén participaron na reunión o xerente da empresa en Santiago, Antonio Gómez, e o concelleiro de Barrios, Recollida do Lixo e Limpeza Viaria, Juan de la Fuente.
ALCALDÍA
O alcalde reitera que "Lavacolla non xoga na mesma división que os outros dous aeroportos de Galicia"
"Seguimos pensando que o aeroporto de Lavacolla, con todo o respecto e cariño a Alvedro e Peinador, non xoga na mesma división que os outros dous aeroportos". Así se pronunciou o alcalde compostelán, Xerardo Conde Roa, respecto ás negociacións para a captación de liñas internacionais, pouco antes de reunirse cos representantes da Asociación de Empresarios de Hostalería de Santiago e Comarca.
CONSORCIO
A igrexa de Bonaval acolle o primeiro Festival Internacional de Música Medieval
A programación preparada dende o Consorcio de Santiago con motivo do oitavo centenario da consagración da Catedral de Santiago continúa en setembro con Músicas da Itinerancia, un festival de música que durante unha semana reunirá na igrexa de San Domingos de Bonaval un total de sete agrupacións europeas, que presentarán un amplo percorrido por composicións propias da Idade Media.
VACACIÓNS EN PAZ
Despedida aos nenos saharauís en Lavacolla
Os concelleiros Paula Prado, María Castelao e Albino Vázquez desprazáronse ata o aeroporto de Lavacolla para despedir aos nenos saharauís que pasaron este verán en Galicia. Tres destes rapaces estiveron con familias de acollida compostelás.
ALCALDÍA
O alcalde compostelán reuniuse en Raxoi co presidente da S.D. Compostela
O alcalde compostelán, Xerardo Conde Roa, recibiu o presidente da S.D. Compostela, Antonio Quinteiro. Este explicoulle o novo proxecto do club, que ten o obxectivo de volver á elite no menor tempo posible.
DEPORTES
Recepción ao Arteal Tenis de Mesa antes dunha nova competición internacional
O club Arteal Tenis de Mesa disputará durante a fin de semana en Eslovaquia a primeira ronda da ETTU Cup. Antes de marchar, os concelleiros Adrián Varela e Amelia González recibiron o equipo en Raxoi.
