DEPORTE
Recepción en Raxoi á karateka Cristy Tojo
O alcalde de Santiago, Martiño Noriega, xunto con outras integrantes da Corporación, recibiu en Raxoi a Cristy Tojo, campioa de Europa sénior de Parakárate, na categoría de kata e na modalidade de diversidade visual.
CENTROS CÍVICOS
En marcha os "Espazos das Familias" nos centros cívicos
Xa están en marcha, por segundo curso, os Espazos das Familias, organizados pola Concellaría de Centros Cívicos en colaboración coa Asociación Socio-Educativa Antonio Gandoy. As familias participantes celebraron onte unha xornada de encontro, no local social de Nemenzo.
CONSORCIO
A Escola de Altos Estudos Musicais imparte un curso de Especialización Instrumental dirixido a estudantes de grao medio ou superior
A Escola de Altos Estudos Musicais (EAEM), con sede en Santiago de Compostela, organiza unha nova edición do Curso de Especialización Instrumental 2019-2020. Esta iniciativa diríxese a estudantes de música de grao medio ou superior que desexen perfeccionarse nalgún destes instrumentos: violín, viola, violoncello, contrabaixo, frauta, óboe, clarinete, fagot, trompa, trompeta, trombón ou percusión.
CENTROS CÍVICOS
Os Cantos de Taberna chegan este venres á cidade histórica
O ciclo de Cantos de Taberna impulsado pola Concellaría de Centros Cívicos volve mañá venres, e faino á cidade histórica. O programa, que se desenvolve da man da asociación Muiñeiros do Sarela, contará tamén desta vez coa participación da agrupación Vento Mareiro de Moaña.
ADMINISTRACIÓN ELECTRÓNICA
Persoal municipal participa nunha demostración do funcionamento da administración electrónica
Persoal municipal participou hoxe unha primeira demostración real da Plataforma de Administración Electrónica que se está a implantar no Concello de Santiago. A empresa provedora do servizo explicoulles aos/ás responsables dos departamentos municipais o funcionamento práctico do proxecto de modernización máis importante da historia recente da administración local.
CONVIVENCIA
A Policía Local realizou máis de 41.000 controis de velocidade durante a pasada semana, con 162 infraccións
A Policía Local de Santiago sumouse durante a pasada semana a outra campaña especial sobre vixilancia e control de velocidade da DXT. Do 1 ao 7 de abril controláronse 41.610 vehículos, dos que 162 foron denunciados para sanción por superar os límites establecidos.
PLENO
O Pleno aproba definitivamente os estudos de detalle na ARI de Vite
O Pleno da Corporación aprobou hoxe dous novos estudos de detalle da Área de Rehabilitación Integral de Vite, que se suman aos tres que recibiron luz verde en decembro. Este trámite é necesario para a instalación de ascensores e para acceder ás axudas á rehabilitación do Ministerio de Vivenda.
OBRAS
O Concello instalará pasos de peóns elevados na rúa da Estrada para mellorar a seguridade viaria
O Concello instalará pasos de peóns elevados na rúa da Estrada, co obxectivo de mellorar a seguridade viaria nunha zona con alta densidade de poboación e cunha área escolar. A actuación levaráse a cabo na semana seguinte á Semana Santa.
TURISMO
Compostela acollerá durante este ano case medio cento de congresos
A concelleira de Turismo, Marta Lois, presidiu esta mañá no Auditorio de Galicia unha nova sesión ordinaria do Consello Municipal de Turismo, órgano participativo que reúne a representantes da Administración, do sector turístico e diversas entidades da cidade para o diálogo, a participación e o asesoramento da toma de decisións da política turística municipal.
ALCALDÍA E TURISMO
Turismo de Santiago recupera o certificado de calidade do SICTED para o sector turístico
O alcalde de Santiago, Martiño Noriega, e a concelleira de Turismo, Marta Lois, entregaron a súa distinción aos 60 establecementos e servizos turísticos da cidade que superaron as avaliacións de calidade do SICTED nos últimos meses do 2018. O acto de entrega tivo lugar no Centro Abanca – Obra Social.