Noticias

A ministra de Vivenda, Beatriz Corredor, inaugurou a mostra "Do construído á arquitectura sen papel", da que forman parte 50 arquitectos españois de dúas xeracións e conforman o Pavillón de España na 11ª Mostra Internazionale di Architettura, a Biennale di Venezia. A cidade de Santiago de Compostela está representada neste importante evento con sete obras que o arquitecto Víctor López Cotelo desenvolveu en colaboración co promotor José Otero Pombo.

Logo de varios meses de traballo conxunto, a Real Filharmonía presenta os seus concertos para a próxima temporada 2008/2009, que iniciará o 26 de setembro cun concerto na Catedral de Santiago, con Antoni Ros Marbà á fronte. O protagonista desta actuación será Mozar, coa súa Missa Solemnis en Do maior. En total serán 30 concertos os que completarán a programación no Auditorio de Galicia, nas súas xa tradicionais sesións dos xoves ás nove da noite.

Turismo de Santiago estará presente na Feira de Jata, que se celebrará entre o 19 e o 21 de setembro. Trátase do evento de promoción turística máis importante de Xapón. Turismo de Santiago estará presente no pavillón de España, onde contará cun expositor propio. O obxectivo é promocionar a cidade nun dos mercados turísticos máis importantes de Asia.

O martes 16 de setembro, ás 20:00 horas, a concelleira de Cultura e Centros Socioculturais, Socorro García, participará na inauguración da IV Semana Cultural do Centro Sociocultural da Rocha coa presentación da exposición de óleos O pousar da mirada, de Lucia Dubra, e coa posterior actuación do cantautor Héctor Lorenzo.

O Festival Internacional de Curtametraxes Curtocircuíto continúa apostando pola formación e a innovación entre as súas actividades. Así, dentro da Semana Oficial do certame, entre o 17 e o 24 de outubro, o produtor Enrique Criado visitará Santiago para impartir unha "master class" no Teatro Principal, na que falará das fases de produción dunha película en tres dimensións e do proceso técnico preciso para levala a cabo. Como exemplo práctico proxectaranse varias curtametraxes en 3-D....

O concelleiro de Promoción Económica, Emprego, Comercio e Turismo, Xosé Manuel Iglesias, presentou o Proxecto Crear V, que ten como obxectivo facilitar o acceso ao mercado laboral a persoas con especiais dificultades de inserción ou reinserción: mulleres, mozos sen emprego anterior, desempregadas/os de longa duración, inmigrantes e emigrantes retornados e mulleres e homes con algún tipo de discapacidade. Este programa experimental de emprego contará con 75 participantes.

A concelleira de Educación, Guadalupe Rodríguez, constatou hoxe a normalidade coa que se iniciou o curso nos colexios públicos da cidade. A edila visitou dous centros, o Pío XII e o CEIP de Fontiñas e por último desprazouse ata a escola infantil deste barrio.

O alcalde compostelán, Xosé A. Sánchez Bugallo, anunciou na súa comparecencia semanal ante os medios de comunicación, que nas próximas semanas se constituirán as dúas comisión acordadas na última xuntanza do Consello da Capitalidade cuxo obxectivo será preparar a cidade para o Xacobeo de 2010 así como definir os detalles da participación de Santiago na Expo de Xangai que se celebrará ese mesmo ano. O rexedor tamén salientou a súa satisfación polo decisión do goberno...

A sétima edición do Festival Internacional Salsorro, que se celebrará en Santiago entre o 7 e 9 de novembro, ten coma obxectivo convertirse no evento máis importante de salsa de Europa. O ano pasado Salsorro foi o segundo evento de salsa con maior número de participantes, tras o UK Congress 2007. Sen embargo, o evento inglés aplázase ata xaneiro do 2009, polo que Salsorro será o evento de referencia no continente neste ano 2008.

A cuarta proposta de Teatro e Danza En Xira, un ciclo que achega a Compostela algunhas das propostas escénicas máis interesantes do panorama peninsular contemporáneo, achégase ao país veciño con Turismo Infinito, peza dunha das compañías lusas máis reputadas, o Teatro Nacional de Sâo Joâo. A obra foi presentada pola concelleira de Cultura, Socorro García Conde; o director da obra, Ricardo Pais; o xerente do Auditorio, Paulo Rodríguez; e Ana Salgado, representante de Caixa Galicia.