ACCIÓN CULTURAL
O Teatro Principal acolle dúas representacións de "Nacidas libres"
Tras o éxito de As do peixe, e seguindo cunha liña de traballo arredor da indagación, a reflexión e o teatro do documento, a compañía galega Contraproducións, conducida por Cándido Pazó e Belén Pichel, volve a Santiago con Nacidas libres. A nova peza, con texto de Pazó, dirección de Marta Domínguez e interpretación de Mónica Caamaño, Rocío González, Susana Dans e Casilda Alfaro, ten dúas funcións programadas no Teatro Principal: o xoves.../em>
EDUCACIÓN E CIDADANÍA
Homenaxe teatral e floral a Xosé Mosquera Pérez, "O vello dos contos"
O IES Rosalía de Castro acolleu a representación O vello dos contos volta a Compostela, nunha homenaxe ao que fora o primeiro autor radiofónico de Galicia, Xosé Mosquera Pérez. O concelleiro de Educación e Cidadanía, Manuel Dios, participou neste acto, no que tamén se anunciou a creación, para o curso 2018-2019, do I Premio Xosé Mosquera Pérez de Radioteatro. A lembranza completouse cunha parada na que fora a casa do homenaxeado, na rúa do Franco, e cunha ofrenda floral nos xardíns de Mosquera...
NADAL
As lendas do Apalpador e o Obradoiro de Scrapbooking, protagonistas do programa de Nadal deste xoves
Continúan as actividades de Nadal programadas polo Concello. Na xornada de mañá xoves, 21 de decembro, destacan o percorrido do Apalpador pola rede de centros socioculturais de Compostela e a celebración da segunda xornada do Obradoiro de Scrapbooking.
ALCALDÍA
O alcalde reivindica a colaboración entre as institucións no acto de presentación do proxecto da estación intermodal
O alcalde participou este mediodía no acto de presentación do proxecto da estación intermodal, celebrado na Cidade da Cultura. Martiño Noriega mostrouse convencido de que a infraestrutura "colocará a Santiago no século XXI en materia de mobilidade, ao tempo que mellorará a conectividade entre os barrios composteláns do Ensanche e da Pontepedriña".
LINGUA
Illa Bufarda, Brazolinda e o Colexio de Avogados de Santiago, distinguidas no XVIII Premio Manuel Beiras
O alcalde de Santiago, Martiño Noriega, e o vicepresidente da Cámara de Comercio de Santiago, Evaristo Rodríguez, deron a coñecer este martes en rolda de prensa o nome dos gañadores do Premio Manuel Beiras. Illa Bufarda, Brazolinda e o Ilustre Colexio de Avogados de Santiago de Compostela son as empresas e entidade galardoadas nesta décimo oitava edición. Pola tarde, os galardóns foron entregados nun acto celebrado na sede da Cámara.
DEPORTES
Sétima edición do Campus de Fútbol Vero Boquete do 27 ao 29 de decembro
A xogadora compostelá do París Saint Germain, Vero Boquete, presentou xunto á concelleira de Deporte, Noa Morales, o VII Campus de Fútbol Vero Boquete, dirixido a nenos e nenas que queiran aprender técnicas e tácticas futbolísticas. O Campus estará aberto os días 27, 28 e 29 de decembro. A inscrición remata mañá mércores.
A este campus tamén asistirán persoas vinculadas ao mundo do fútbol que compartirán cos nenos e nenas as súas experiencias e valores...
ALCALDÍA
Martiño Noriega felicitou o Nadal ao persoal municipal e aos xubilados neste 2017
O alcalde de Santiago, Martiño Noriega, presidiu a tradicional recepción de Nadal aos traballadores e traballadoras do Concello e dos diferentes organismos autónomos e empresas públicas vinculados ao mesmo. Ademais, entregáronse as placas ás persoas xubiladas en 2017, de xeito que puideron recibir a homenaxe dos compañeiros e compañeiras cos que compartiron tantos anos.
POLÍTICAS SOCIAIS
Música, maxia e circo por Palestina na gala de humor solidario "Festiclown"
A concelleira de Políticas Sociais, Diversidades e Saúde, Concha Fernández, presentou na compaña de Iván Prado, representante de Pallasos en Rebeldía, a gala solidaria Festiclown, que terá lugar no Teatro Principal o vindeiro 28 de decembro ás 18:30 horas.
ALCALDÍA
O Grupo de Cidades Patrimonio da Humanidade convoca unha edición especial do programa "Aula de Patrimonio"
O Grupo de Cidades Españolas Patrimonio da Humanidade convoca unha edición especial do programa pedagóxico para escolares Aula de Patrimonio. Esta convocatoria faise co gallo do 25 aniversario da creación do Grupo, polo que se modificaron as bases para orientalas ao programa de valores culturais que representa o conxunto das 15 cidades españolas que son Patrimonio da Humanidade. Aula de Patrimonio tamén se encadra no 2018 dentro do Ano do Patrimonio Cultural Europeo.
BENESTAR ANIMAL
Benestar Animal colabora coas asociacións en varias iniciativas durante o Nadal
A chegada do Nadal tamén se vai notar no Departamento de Benestar Animal, que colabora con varias iniciativas impulsadas polas asociacións que traballan neste ámbito en Compostela. As actividades foron presentadas pola concelleira Noa Morales e por representantes dos colectivos implicados.