Noticias

A Escola Infantil Municipal das Fontiñas acolleu a presentación dos Encontros Teatrais dos Axóuxeres, os espectáculos teatrais para bebés de 0 a 3 anos e para as súas familias que chegarán durante as fins de semana do outono a 20 localidades nas que se radican outras tantas entidades pertencentes á Rede de Dinamización Lingüística (RDL). O Centro Sociocultural das Fontiñas acollerá o sábado 27, ás 12:00 horas, a primeira destas sesións.

A Xunta de Goberno, na súa sesión ordinaria, aprobou varias obras a executar nos barrios da cidade, entre elas en Meixonfrío, coa mellora da beirarrúa entre a rúa das Mulas e o tanatorio de Boisaca. Ademais, iniciouse o expediente para contratar o servizo de limpeza, conservación e mantemento dos centros educativos de infantil e primaria da cidade.

Unha vez resoltas as alegacións, o Pleno da Corporación aprobou definitivamente a Ordenanza municipal de ocupación e uso da vía pública. Tamén se deu o visto bo, nesta caso inicialmente, á modificación puntual da Ordenanza de publicidade e rotulación.

Dentro do ciclo Falabaratos chegan a Compostela Ángel Martín e Ricardo Castella presentando o seu espectáculo Nunca es tarde… para hacer tus sueños realidad o xoves 25 de outubro no Teatro Principal en dúas funcións: ás 21:00 e ás 23:00 horas.

Durante o pasado mes de setembro rexistráronse 66.598 pernoctacións de turistas internacionais en Santiago, segundo os datos do Instituto Nacional de Estatística (INE). Esta cifra supón a mellor marca no número de pernoctacións internacionais nun mes, superando as 62.207 que se deron en setembro do Ano Santo 2010.

O concelleiro de Xuventude, Adrián Varela, presentou en rolda de prensa a quinta edición de MúsicaXove. Este certame busca promover, impulsar e canalizar a creatividade musical da xuventude, como unha iniciativa máis nun conxunto de propostas que tratan de poñer en marcha estratexias nesta perspectiva.

A cidade acolleu os actos conmemorativos do XXV aniversario da declaración polo Consello de Europa do Camiño de Santiago como Primeiro Itinerario Cultural Europeo. Lembrouse así a importancia dunha ruta que, para o alcalde compostelán, Ángel Currás, encarna "o ideal da unidade da cultura europea".

Continúa a programación do ciclo Compostela Rock co death metal melódico dos suecos Arch Enemy, que fan unha parada da súa xira World Khaos Tour este xoves 25 na Sala Capitol. Estarán acompañados,a partir das 20:00 horas polos canadenses Voivod (thrash metal progresivo) e dos tamén canadenses Titans Eve (trash/death metal).

Os actos con motivo do XXV aniversario da declaración polo Consello de Europa do Camiño de Santiago como Primeiro Itinerario Cultural Europeo continuaron pola tarde cunha conferencia de Marcelino Oreja, quen era secretario xeral do Consello de Europa no momento daquela proclamación.

O concelleiro de Deportes, Adrián Varela, e o director xeral de Xuventude e Voluntariado da Xunta, Ovidio Rodeiro, visitaron os finalistas da especialidade de graffiti do certame de creadores novos Xuventude Crea.