Noticias

A concelleira de Igualdade, Desenvolvemento Económico e Turismo, Marta Lois visitou este mércores o Edificio Emprendia, no Campus Vida. A visita enmárcase na colaboración entre o Concello e a Universidade de Santiago para aproveitar e reforzar as potencialidades da cidade en materia de investigación, transferencia de tecnoloxía e emprendemento.

Neves Seara inicia este xoves as actividades de mediación cultural enmarcadas dentro da intervención 73 liñas de horizonte (segunda carta a meu pai), que a artista ten ata o 27 de marzo na Zona "C". Isto responde á iniciativa da concellaría de Acción Cultural de facer actividades de mediación sempre que sexa posible, para así integrar a todos os públicos da cidade na vida cultural da mesma.

O Consello Reitor do Auditorio, reunido esta tarde no Pazo de Raxoi baixo a presidencia do alcalde, Martiño Noriega, aprobou os orzamentos do Auditorio de Galicia, unhas contas que ascenden a 2.369.067,78 euros.

Dende as 17:00 horas deste xoves, 3 de marzo, estará aberto o prazo de inscrición na primeira das viaxes do programa Imos de excursión 2016. Os interesados poden así reservar praza para unha viaxe ao País Vasco prevista entre os días 24 e 27 de marzo, coincidindo coa Semana Santa. A inscrición pode formalizarse presencialmente nos centro socioculturais. Na reserva de prazas, que son limitadas, teñen preferencia os empadroados en Santiago.

O alcalde, Martiño Noriega, e a concelleira de Políticas Sociais, Concha Fernández, recibiron este martes no Pazo de Raxoi á directiva de Aspanaes, a Asociación de Pais de Persoas con Espectro Autista da Coruña. O rexedor expresoulle á presidenta do colectivo, María José Álvarez Folgar, a vontade do Goberno municipal de seguir colaborando coa Asociación e de abrir novas vías de cooperación.

O concelleiro de Educación e Cidadanía, Manuel Dios, deu conta hoxe das obras de mantemento, reparación e reforma levadas a cabo nos centros públicos de Santiago entre setembro de 2015 e marzo de 2016. A empresa encargada deste contrato foi Espina&Delfín e o importe invertido ascende aos 155.000 euros.

A concelleira de Acción Cultural, Branca Novoneyra, presentou esta mañá a axenda cultural do Concello de Santiago para marzo. Este mes teremos o 30 aniversario de Matarile Teatro, a entrega dos Premios do Auditorio de Galicia e estrea da exposición dos seleccionados, o novo espectáculo teatral de Producións Excéntricas e os concertos de Diego El Cigala e Ses, ademais de programación didáctica, outros espectáculos teatrais, concertos da Banda Municipal de Música, da Real Filharmonía de Galicia e da OSGA,...

O concelleiro de Educación e Cidadanía, Manuel Dios, deu conta esta mañá do programa de conciliación de Semana Santa 2016 cuxo prazo de matrícula abre este sábado, 5 de marzo.

A concelleira de Políticas Sociais, Diversidades e Saúde, Concha Fernández, presidiu a terceira xuntanza da Mesa de Traballo para a elaboración dun protocolo de prevención e atención ás persoas afectadas polos desafiuzamentos.

Compostela é unha das dez cidades europeas que participan no programa Urban Green Labs, unha iniciativa coa que aspiran a fondos europeos no marco da convocatoria URBACT III (2014-2020).