CONSORCIO
Rapaces de 6 a 12 anos ofrecerán a súa visión particular da cidade de Santiago de Compostela a través da pintura e da fotografía
O Consorcio de Santiago promove esta fin de semana no Museo das Peregrinacións e de Santiago (praza das Praterías) tres novos obradoiros didácticos dirixidos a nenos de entre 6 de 12 anos. Cada un deles, pensado para que os máis pequenos se acheguen á historia de Compostela, ten unha duración de entre unha hora e media e dúas horas.
EDUCACIÓN
O CEIP Raíña Fabiola representará a Santiago no programa "Aula de Patrimonio"
Unha comisión de valoración presidida pola concelleira de Educación, María Corral, acordou que será o traballo presentado polo CEIP Raíña Fabiola o que represente ao Concello de Santiago na segunda edición do programa pedagóxico Aula de Patrimonio, promovido polo Grupo de Cidades Patrimonio da Humanidade de España. O guión, titulado "Redescubre Compostela", foi realizado por alumnado de 6º de primaria e coordinado polo profesor Xosé Anxo Aldrey.
EDUCACIÓN
A Escola Municipal de Música ofrece este Nadal unha programación de concertos e o inicio de varias actividades formativas
A concelleira de Educación, María Corral, presentou a programación destas datas de Nadal da Escola Municipal de Música. Inclúe concertos especiais e o inicio dalgúns dos obradoiros, cursos e actividades didácticas que se desenvolverán ao longo do ano 2015.
ALCALDÍA
Parabéns do alcalde a Pedro Nimo polo triunfo no Campionato de España de Maratón e pola súa "exemplar" traxectoria
O alcalde de Santiago, Agustín Hernández, recibiu o atleta compostelán Pedro Nimo, recente gañador do Campionato de España de Maratón. Pedro Nimo fíxose co título o pasado domingo en San Sebastián, cun tempo de 2 horas, 15 minutos e 57 segundos, sumando así un novo éxito á súa destacada traxectoria atlética.
TURISMO
Área Santiago inicia os traballos para crear un produto turístico en torno á pesca fluvial
A concelleira de Turismo, Reyes Leis, participou na inauguración da xornada formativa sobre a creación do produto turístico de pesca fluvial. Este encontro, celebrado no edificio Cersia, é a primeira dunha serie de accións xa planificadas para promover o potencial fluvial e pesqueiro dos concellos de Área Santiago. Asistiron tamén a directora xeral de Conservación da Natureza, Verónica Tellado, e a directora de Promoción de Turismo de Galicia, Carmen Pita.
ALCALDÍA
O alcalde destaca que "Segredos de Catedral" bota luz sobre aspectos descoñecidos que axudan a incrementar a valoración do templo
O alcalde de Santiago, Agustín Hernández, presentou, xunto co reitor da USC, Juan Viaño, o libro Segredos de Catedral, do catedrático de Historia da Arte José Manuel García Iglesias. A obra está editada polo Consorcio de Santiago e Alvarellos Editora.
CULTURA
O gaiteiro pontevedrés Oscar Ibáñez presenta "Alén do mar" dentro do ciclo Sons’14
Oscar Ibáñez presenta o seu primeiro traballo discográfico en solitario baixo o título Alén do mar. Neste disco, o gaiteiro e frautista pontevedrés invítanos a unha viaxe sonora polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta. O concerto será este xoves 4 de decembro, ás 21:00 horas, no Teatro Principal, dentro do ciclo Sons’14. As...
CULTURA
Moreland & Arbuckle e The Soul Jacket pechan o Blues Nite by 1906 deste 2014
As bandas Moreland & Arbuckle e The Soul Jacket son as protagonistas do concerto de peche do ciclo Blues Nite by 1906 neste ano 2014. Será este xoves 4 de decembro, ás 21:30 horas, na Sala Capitol. As entradas poden mercarse xa no despacho de billetes do Teatro Principal, Ticketea, Miranda, A Reixa Tenda e salacapitol.com a un prezo de 14 euros anticipada e 17 euros o día do concerto.
ALCALDÍA
A drenaxe do Sarela permitirá reducir as inundacións en Galeras e Carme de Abaixo
O alcalde de Santiago, Agustín Hernández, visitou as obras que o Concello, a través da concesionaria Viaqua, está realizando para retirar sedimentos e obstáculos vexetais no leito do río Sarela, no tramo comprendido entre o parque de Galeras e Carme de Abaixo. Xa se limparon uns 100 metros da canle do río e os traballos prolongaranse durante unas tres semanas.
NORMALIZACIÓN LINGÜÍSTICA
O Concurso de Cartas de Nadal anima os nenos e nenas a utilizar o galego e a indagar nas tradicións destas datas
A concelleira de Normalización Lingüística, María Corral, presentou o Concurso de Cartas de Nadal 2014, unha proposta dirixida ás escolas e ás familias para que os nenos e nenas enchan de contidos as súas solicitudes de agasallos. Será unha boa maneira de que os pequenos practiquen destrezas como a escrita ou o debuxo, pero tamén para investigar, reflexionar e comprometerse.