Noticias

A concelleira de Turismo, Reyes Leis, participará este fin de semana nos actos de celebración do décimo aniversario da Declaración do Camiño de Kumano como Patrimonio da Humanidade, que terán lugar na cidade xaponesa de Tanabe. Foi o propio alcalde de Tanabe, Mitsutoshi Manago, quen convidou ao Concello de Santiago a participar nestes actos como convidado especial na súa recente visita a cidade no mes de maio.

A Real Filharmonía de Galicia (RFG) participa na IX edición do festival de música clásica Via Stellae, que se está celebrar en Santiago de Compostela. A orquestra protagoniza dous concertos no marco desta iniciativa. O primeiro celebrarase este venres, ás 20:30 horas, no Teatro Principal. O segundo será o sábado, á mesma hora, no Hostal dos Reis Católicos.

Durante o mes de xullo haberá ata cinco obradoiros dirixidos a bebes acompañados polos seus pais/nais dentro do programa Vive o verán. Agrúpanse baixo o lema "Medrar en familia" e estimularán as habilidades dos pequenos, ademais de ofrecer ideas creativas para os pais.

A Real Filharmonía de Galicia presentou a súa nova temporada de abono 2014-2015. Asistiron ao acto o alcalde de Santiago, Ángel Currás; o director titular e artístico da orquestra, Paul Daniel; o seu director técnico, Oriol Roch; e o director-xerente do Auditorio de Galicia, José Víctor Carou.

Dentro do Plan de mantemento de instalacións deportivas ao aire libre, o Concello vén de executar obras nas pistas polideportivas de Alexandre Bóveda e Fermín Bouza Brey. O alcalde compostelán, Ángel Currás, e a concelleira Reyes Leis, acompañados por técnicos municipais, visitaron as dúas instalacións para inspeccionar os traballos realizados

O alcalde compostelán, Ángel Currás, e a concelleira Reyes Leis, mantiveron unha xuntanza co director xeral de Urbaser (concesionaria do servizo de limpeza e recollida do lixo), Santiago Alonso; co director de zona de Galicia, Julio Gancedo; e cun representante da firma en Santiago, Nemesio López, tras a mantida hai dous días co Comité de Empresa. Tras a mesma, o rexedor expresou a súa confianza en que se alcance unha solución dialogada entre as partes que evite a convocatoria dunha folga que prexudicaría a imaxe da cidade en...

Este xoves 3 ábrese o prazo para participar nunha nova viaxe do programa municipal Imos de excursión, organizado pola Concellería de Centros Socioculturais. Nesta ocasión a viaxe é a Costa Biscaíña e realizarase do venres 25 ao domingo 27 de xullo.

Esta semana péchanse tres das exposicións que ten en marcha o Consorcio de Santiago na Casa do Cabido e no Museo das Peregrinacións e de Santiago (sede da praza das Praterías). A entidade está a traballar en novas propostas que se inaugurarán nos vindeiros días.

O alcalde compostelán, Ángel Currás, e a concelleira Reyes Leis visitaron os centros socioculturais de Santa Marta e de Conxo, dous dos locais onde se desenvolven durante este mes de xullo as Mañás de verán e de xogo, organizadas pola Concellería de Centros Socioculturais dentro do programa Vive o verán.

A concelleira de Comercio, Reyes Leis, presentou no Pazo de Raxoi os primeiros resultados da fase inicial dun innovador proxecto que, en colaboración coas asociacións comerciais de Santiago, pretende dinamizar as zonas comercias da cidade mediante a instalación de escaparates en locais que actualmente están baleiros. Trátase dun proxecto piloto no que o Concello fai de intermediario entre propietarios de locais baleiros e empresarios da cidade para, ao mesmo tempo, amosar as posibilidades dos locais e servir de escaparate para negocios xa establecidos.