CONSORCIO
O naturalista David Attenborough, Premio Fonseca de divulgación científica
O naturalista e divulgador David Attenborough (Reino Unido, 1926), un dos pioneiros nos documentais de natureza, colle o relevo de Stephen Hawking e James Lovelock gañador do Premio Fonseca que convocan o Consorcio de Santiago e a USC ao amparo do Programa ConCiencia.
ALCALDÍA
A ministra de Cultura anima o alcalde a defender a cultura que Santiago ofrece aos cidadáns de todo o mundo
A ministra de Cultura, Ángeles González-Sinde, visitou o Concello, onde foi recibida polo alcalde compostelán, Xosé A. Sánchez Bugallo.
CONSORCIO
O Consorcio impulsa a conmemoración do 800 aniversario da consagración da Catedral
A Comisión Executiva do Consorcio de Santiago, reunida o 30 de marzo, decidiu realizar un esforzo de impulso ao 800 aniversario da consagración da Catedral de Santiago, feito que se conmemorará o 21 de abril de 2011. A iniciativa foille explicada á ministra de Cultura, Ángeles González-Sinde na súa visita ao Consorcio e ás obras do futuro Museo das Peregrinacións e de Santiago.
BENESTAR SOCIAL
Benestar Social inicia un programa de educación para adultos nos centros socioculturais de Vite e Fontiñas
A Concellería de Benestar Social inicia o martes 6 de abril, un Programa de Educación para Persoas Adultas. Impartiranse dous cursos de alfabetización, un de alfabetización dixital e un curso de español para estranxeiros. Estas sesións, que se estenderán ata o 24 de xuño, responden a unha necesidade detectada pola Concellería. Proba disto é que as prazas están xa cubertas na súa totalidade.
ALCALDÍA
Santiago, protagonista nas festas da Pascua de Padrón
Como vén acontecendo dende hai anos, a Corporación municipal desprazouse á localidade veciña de Padrón para vivir o día dedicado á nosa cidade nas Festas da Pascua.
PROMOCIÓN ECONÓMICA
Promoción Económica e Caixa Galicia ofrecen formación a persoas emprendedoras para elaborar o plan de empresa
Abriuse o prazo para inscribirse na terceira edición do curso gratuíto Como elaborar un plan de empresa para solicitar un microcrédito, organizado pola Concellaría de Promoción Económica, Emprego, Comercio e Turismo e pola Obra Social Caixa Galicia. A acción formativa enmárcase no Servizo de Apoio á Empresa que ofrece Promoción Económica, e que ten como obxectivo apoiar á empresa, ao comercio e as persoas emprendedoras do Concello de Santiago.
TURISMO
Turismo de Santiago atendeu 7.405 consultas en Semana Santa na súa oficina
Turismo de Santiago atendeu 7.405 consultas entre o 27 de marzo e o 4 de abril na súa oficina de información, situada na rúa do Vilar. Esta cifra supón un crecemento do 28,31% respecto das 5.309 da Semana Santa do 2009, que se celebrou entre o 4 e 12 de abril, e do 47,96% respecto das 6.756 da Semana Santa do Ano Santo Compostelán do 2004, que tivo lugar entre o 3 e o 11 de abril. O turismo doméstico foi o que tivo un maior peso nas consultas atendidas.