CENTROS SOCIOCULTURAIS
Aberta a inscrición para a viaxe termal ao Balneario de Lobios programada pola Concellería de Centros Socioculturais
No marco do programa Imos de excursión, a Concellería de Centros Socioculturais promove unha nova edición da viaxe termal, nesta edición ao Balneario de Lobios (Ourense), do Grupo Caldaria. A viaxe realizarase os días 20, 21 e 22 de novembro. A inscrición está xa aberta ata esgotar as prazas.
URBANISMO E XUNTA DE GOBERNO
O Concello elaborará unha nova ordenanza reguladora das condicións urbanísticas das infraestruturas de telefonía móbil
A concelleira de Urbanismo, María Pardo, anunciou que o Concello vai elaborar unha nova Ordenanza reguladora das condicións urbanísticas das instalacións de telefonía móbil. Como paso previo, será debatida en Pleno a adhesión municipal ao Código de Boas Prácticas para a instalación de infraestruturas de telefonía móbil, subscrito pola Federación Española de Municipios e Provincias (FEMP) coas compañías de telecomunicacións. Este punto foi xa abordado na Comisión...
CENTROS SOCIOCULTURAIS
O luns 23 remata o prazo de solicitude de participación no I Concurso de Graffitis en Entornos Socioculturais
A Concellería de Centros Socioculturais puxo en marcha o I Concurso de Graffitis en Entornos Socioculturais, organizado coa colaboración da Asociación de Veciños de Pontepedriña. Esta primeira edición do certame centrarase na intervención sobre pare do muro exterior do Local Sociocultural de Pontepedriña. O prazo de solicitude de participación neste certame rematará o luns 23 de setembro.
CULTURA
Vargas Blues Band presenta en Compostela seu novo disco, "Heavy city blues"
Comeza a programación do ciclo Blues Nite para este cuadrimestre coa Vargas Blues Band, que chega a Compostela para presentar o seu novo disco, Heavy city blues. Será este venres, 20 de setembro, na Sala Capitol e as entradas -12 € anticipada e 17 € o día do concerto- poden mercarse xa na billeteira do Teatro Principal, A Reixa Tenda e salacapitol.com. Tras a Banda chegarán ao ciclo Blues Nite Carvin Jones e os galegos Dixie Town, Thee Blind Crows, Psycothic Acid Freek e Adrián Costa.
PARTICIPACIÓN CIDADÁ E CENTROS SOCIOCULTURAIS
Nova cita en Vite con "Imos ao baile"
Continúa a desenvolverse con éxito o programa Imos ao baile 2013, organizado pola Concellería de Centros Socioculturais e Participación Cidadá. A próxima cita será o sábado 21 de setembro no Centro Sociocultural "José Saramago" de Vite.
COMERCIO
Noite de compras e agasallos no Centro Comercial As Cancelas
A concelleira de comercio, Reyes Leis, asistiu á presentación da primeira Fashion Night Out do Centro Comercial As Cancelas, que se celebrará este venres, 20 de setembro, entre as 20:00 e as 24:00 horas.
CULTURA
James Gilchrist, protagonista do segundo concerto do XIV Ciclo de Lied
O tenor James Gilchrist será o protagonista do segundo concerto do XIV Ciclo de Lied, que se celebra este venres 20, ás 21:00 horas, no Teatro Principal. Este ano, o Ciclo de Lied celébrase baixo o epígrafe de "Centenario Britten: A canción inglesa no século XX" e nel estivo xa o barítono Roderick Williams, e poderemos escoitar o martes 23 á soprano Elizabeth Watts. Todos acompañados, como é habitual, polo pianista Roger Vignoles, alma do Ciclo.
BENESTAR SOCIAL
Continúan as xornadas formativas para hostaleiros sobre consumo sen alcohol
A concelleira de Benestar Social, María Castelao, asistiu ao obradoiro de coctelería sen alcohol para hostaleiros impartido no marco das xornadas Que che apetece? Santiago Sen, organizadas pola Área de Servizos Sociais. Estas accións pretenden fomentar no eido da hostalaría orientada a xente nova as posibilidades de negocio que ten o consumo recreativo sen alcohol.
