Noticias

A concelleira de Políticas Sociais, Diversidades e Saúde, Concha Fernández, deu conta hoxe das Xornadas de Portas Abertas que organiza a Asociación Galega de Musicoterapia (Agamus) dende o 15 e maio ao 15 de xuño. Na rolda estivo acompañada da presidenta e investigadora científica, Montse Merino; do vicepresidente e coordinador do grupo de musicoterapeutas voluntarios de Agamus no Servicio de Neuroloxía do CHUS, Marco Costa, e da voceira da Xunta Directiva e terapeuta ocupacional, Marta Pérez.

O alcalde presentou hoxe o ciclo As raíces na pedra, froito da colaboración entre o Concello e catro das agrupacións de baile e música tradicional da cidade. Martiño Noriega estivo acompañado na rolda de prensa por Rafa Sexto, da Agrupación Folclórica Colexiata de Sar; Carlos Delgado, secretario de Cantigas e Agarimos; Gustavo Couto, do Obradoiro de Cultura Tradicional Ultreia, e Montse Rivera, directora do grupo de baile de Brincadeira.

Ademais do ciclo de cinema Loitas Ambientais na Galiza, que se vén celebrando con motivo do Día Mundial do Medio Ambiente, este mes levaranse a cabo outras actividades no Centro de Interpretación Ambiental de Compostela (CIAC). Está previsto un relatorio sobre o coltán en colaboración co Instituto Jane Goodall , o roteiro interpretativo mensual e un obradoiro e un roteiro de recoñecemento das herbas de San Xoán.

As mulleres, protagonistas na axenda da SELIC para este venres
A Semana do Libro de Compostela entra na súa recta final, e nos tres próximos días a carpa da praza da Quintana estará aberta durante todo o día para albergar ducias de actividades.

Dende este mércores e ata o 30 de xuño, calquera persoa con 16 anos cumpridos pode facer propostas de investimentos e de actividades aos orzamentos participativos Compostela Decide. Hai dous xeitos de facelo: a través da web decide.santiagodecompostela.gal, ou ben acudindo ás asembleas presenciais que se celebran durante esta semana e a que vén en Santiago de Compostela.

A concelleira de Políticas Sociais, Diversidade e Saúde, Concha Fernández, presentou esta mañá o estudo elaborado polo Concello e a USC sobre o consumo de alcohol e drogas e do uso problemático de internet entre os adolescentes de Compostela. Na rolda estivo acompañada do investigador da USC e responsable do mesmo, Antonio Rial, e do técnico da UMAD Jorge Carballido.

O alcalde presidiu hoxe o acto de sinatura do protocolo para o desenvolvemento da Vía Verde entre Santiago e Cerceda. O acordo foi asinado por Martiño Noriega e polos rexedores de Oroso, Manuel Mirás; Ordes, José Luís Martínez Sanjurjo; Tordoia, Antonio Pereira Liñares; e Cerceda, José García Liñares.

O alcalde de Santiago, Martiño Noriega, e a concelleira de Políticas Sociais, Concha Fernández, reuníronse coa presidenta do Colexio de Educadores Sociais de Galicia, Mónica Serrano, e cunha das súas vogais, Natalia Domínguez.

A I Semana do Libro de Compostela, SELIC, chega este xoves á súa sétima xornada, na que de novo haberá un amplo calendario de actividades na carpa da Quintana e noutros espazos. Haberá presentacións, obradoiros, coloquios, sinaturas de libros e unha visita guiada.

O Teatro Principal acolle este xoves e venres, ás 20:30 horas, dúas funcións de Teatro do Morcego, que presentan o texto Nosa señora das nubes, de Arístides Vargas. As entradas están á venda no despacho de billetes do Teatro e en entradas.abanca.com.