EDUCACIÓN
O Teatro Principal acolle a representación da primeira das obras gañadoras do XVIII Certame de Teatro Intercentros
A partir das 20.00 h no Teatro Principal o grupo Bululú, integrado por alumnos de secundaria dos IES Lamas de Abade e Pontepedriña, interpretarán a obra "A Catedral", unha historia sobre símbolo da cidade. Asiste a concelleira de Educación, María Castelao, que fará entrega dos premios ao remate da obra.
CULTURA
O Auditorio de Galicia acolle o ciclo de Novas Orquestras
A Orquestra Sinfónica Conservatorio Superior Coruña presenta un concerto xunto aos dous alumnos gañadores do último concurso para solistas do centro e ofrecerán un programa con obras de Alexander Borodin, Camille Saint-Saëns, Carl Reinecke e Hector Berlioz.O prezo das entradas é de 3 euros (de balde para abonados do Auditorio), billeteira do Teatro Principal aberta de martes a sábado (+ días de evento) de 18.00 a 21.00h, e billeteira do Auditorio de Galicia, aberta só os días de espectáculo a partir das 18.00h;...
Turismo
O Grupo Área Santiago reúnese co Director Xeral de Conservación da Natureza para potenciar o turismo fluvial
Un dos primeiros proxectos do Grupo Área Santiago é "A pesca como recurso turístico", xa que conta con dous dos ríos máis importantes de Galicia, o Ulla e o Tambre, e polos seus múltiples afluentes.
CULTURA
'El amor de Eloy' do dramaturgo Ernesto Caballero, no Teatro Principal
A representación de ‘El amor de Eloy’ de Ernesto Caballero será domingo 2 de xuño ás 21.00h no Teatro Principal. As entradas serán a 18 euros e 15 euros no anfiteatro.
ALCALDÍA
O alcade recibe unha delegación de embaixadores da UE en España
O Alcalde de Santiago, Ángel Currás, recibiu no Pazo de Raxoi unha delegación de embaixadores dos países da Unión Europea en España, que se atopan en Galicia nunha viaxe organizada pola presidencia irlandesa da UE neste primeiro semestre do ano.
ALCALDÍA
O alcalde reúnese co agregado eclesiástico da embaixada de España
O rexedor compostelán, Ángel Currás, acompañado pola concelleira de Turismo, Reyes Leis, mantivo un encontro no Pazo de Raxoi co agregado eclesiástico da embaixada de España, Antonio Pelayo. Na reunión abordaron o tema da posible visita do Papa Francisco a Santiago de Compostela.
CULTURA
Aaron Thomas presenta o seu novo disco, The blues and greens
Aaron Thomas preséntanos o seu recentemente editado novo traballo: "The Blues and Greens" (Everlasting Records 2013). É o terceiro longo de Aaron Thomas, ben acompañado como sempre pola crema musical de Madrid, (a súa cidade adoptiva) e de Barcelona, neste caso.
DEPORTES
O Concello asumirá a xestión das instalacións deportivas do Hospital Psiquiátrico de Conxo
Despois dos contactos mantidos nos últimos meses, a Concellería de Deportes anuncia que en breve se pechará o acordo de cesión das instalacións deportivas situadas nos terreos do Hospital Psiquiátrico de Conxo. Unha vez formalizada a cesión, o Concello acometerá a substitución do campo de terra por outro de herba sintética.
DÍA DAS LETRAS GALEGAS
Santiago rendeu homenaxe a Roberto Vidal Bolaño lembrando a súa figura e descubrindo unha placa diante da súa casa familiar
A cidade de Santiago homenaxeou a un dos seus veciños ilustres, Roberto Vidal Bolaño, neste Día das Letras Galegas. Así, en Vista Alegre, a carón da casa familiar onde vivira, no número 43, recordouse a súa calidade humana e literaria, e descubriuse unha placa que leva por lema "Polo seu traballo e por toda unha vida dedicada ao teatro galego e á nosa literatura".
DÍA DAS LETRAS GALEGAS
Os gañadores do concurso "Gústame o galego" recibiron os seus agasallos
O Pazo de Bendaña acolleu a entrega de agasallos aos autores dos lemas máis votados en Facebook e Twitter dentro da campaña Gústame o galego. Recibiron cadanseus lectores de libros dixitais no marco dunha xornada chea de actividades con motivo do Día das Letras Galegas. Os premios foron entregados polo alcalde, Ángel Currás, e polas concelleiras de Normalización Lingüística, Rebeca Domínguez, e de Educación, María Castelao.
