POLÍTICAS SOCIAIS
A IV edición de Compostela + Solidaria ofrece dúas semanas de actividades para "mudar o mundo"
O Concello de Santiago e a Coordinadora Galega de ONGD poñen en marcha a cuarta edición de Compostela + Solidaria, un programa de sensibilización que se levará a cabo do 2 ao 13 de abril en distintos espazos da cidade. Del deron conta hoxe en rolda de prensa a concelleira de Políticas Sociais, Diversidade, Saúde e Centros Cívicos, Concha Fernández, e a representante da coordinadora galega de ONGD, Lorena Seijo.
ALCALDÍA E DEPORTE
Recepción á Selección Española Sub-19 feminina que xogará a clasificación para a Eurocopa no Estadio Verónica Boquete
O Salón Nobre do Pazo de Raxoi acolleu a recepción oficial á Selección Española Sub-19 feminina, que a partir de mañá xogará tres partidos clasificatorios para a Eurocopa que se xogará este verán en Escocia. Foron recibidas polo alcalde, Martiño Noriega; a concelleira de Deporte, Noa Morales, e os edís Gonzalo Muíños e María Corral.
MEDIO AMBIENTE
Aberto o prazo de adxudicación ou renovación de 176 hortas urbanas
O concelleiro de Medio Ambiente e Convivencia deu conta hoxe do inicio do procedemento de renovación das concesións de uso das hortas urbanas de Belvís de Arriba, A Almáciga, Caramoniña e Brañas de Sar, e para as adxudicacións das novas hortas de Santa Marta-Conxo-Volta do Castro. Xan Duro lembrou que Compostela terá máis de 300 parcelas ao dispor da cidadanía, en canto estean acondicionadas as de Campo das Hortas.
ALCALDÍA
O alcalde recibe o novo delegado institucional do CSIC en Galicia
O alcalde recibiu esta maña no Pazo de Raxoi o novo delegado institucional do CSIC en Galicia, Antonio de Ron Pedreira. Martiño Noriega expresoulle a vontade do Concello de colaborar co organismo, especialmente de cara á celebración do cen aniversario da súa presenza na nosa comunidade, que se cumpre en 2021.
LINGUA
O Centro Cívico do Romaño acolle mañá a xornada comarcal do Club de Debate
O Centro Cívico do Romaño acolle mañá mércores a xornada comarcal do Club de Debate 2019, que organizan os equipos de dinamización lingüística de nove concellos galegos, entre eles o de Santiago. Na sesión de mañá participará o alumnado dos IES de Cacheiras, Milladoiro, Ames e Antonio Fraguas de Compostela.
CENTROS CÍVICOS
Os centros cívicos celebran o Día do Libro Infantil
As aulas de lectura da Rede de Centros Cívicos súmase á conmemoración do Día Internacional do Libro Infantil (2 de abril) cun amplo programa de actividades durante todo o mes de abril. As instalación de Vite, Fontiñas, Santa Marta, Conxo, O Castiñeiriño e A Trisca acollen obras de teatro, exposicións e obradoiros, e participan nun concurso de selfies organizado pola Organización Española para o Libro Infantil e Xuvenil.
CONVIVENCIA
A Policía Local realiza controis de velocidade durante esta semana
A Policía Local de Santiago volve sumarse á campaña especial sobre vixilancia e control de velocidade da DXT. Haberá controis nas principais vías urbanas entre o 1 e o 7 de abril.
DEPORTE
Santiago acolle este domingo a II Milla Urbana "Portas de Compostela"
A concelleira de Deporte, Noa Morales, acompañada do presidente do Club Atletismo Santiago, Alfonso Menduiña; do vicepresidente da Federación Galega de Atletismo, Eladio Gómez, e do delegado en Santiago da FGA, Iván Sanmartín, deu conta hoxe dos detalles da segunda edición da Milla urbana "Portas de Compostela", que terá lugar o domingo 7 de abril a partir das dez da mañá.
ACCIÓN CULTURAL
IV edición do Melona Fest, coa participación de preto dunha trintena de artistas
Santiago acolle do 3 ao 6 de abril a cuarta edición do Melona Fest, un dos festivais máis alternativos que se celebran en Galicia, cun cartel cheo de artistas que non adoitan aparecer nos eventos máis comerciais. Serán preto de 30 nomes, nun cartel que se estende a varios escenarios da cidade e que aposta por reforzar a programación paralela para chegar a novos públicos.
EDUCACIÓN E CIDADANÍA
Unha nova guía didáctica divulga a figura do músico galego Andrés Gaos
Esta mañá presentouse a undécima guía Coñecer. Santiago, cidade educadora, que leva por título O universo musical de Andrés Gaos (1874-1959), elaborada por Zaira Caamaño e José Manuel Souto. A publicación pretende difundir a figura deste compositor e violinista, precisamente neste 2019 no que se celebra o Ano Gaos.