MOBILIDADE
Santiago de Compostela súmase á celebración da Semana Europea da Mobilidade
Compostela vaise sumar á celebración da Semana Europea da Mobilidade cun calendario cheo de actividades dende o 16 ao 23 de setembro. O concelleiro de Espazos Cidadáns, Dereito á Vivenda e Mobilidade, Jorge Duarte, presentou a programación, acompañado por representantes dalgunhas das entidades que colaboran nela, como Composcleta, Amico ou Cogami.
ACCIÓN CULTURAL
Dezasete solistas, cinco concertos e máis sorpresas no VI Festival Peregrinos Musicais
O Festival Peregrinos Musicais, que se desenvolverá en Santiago de Compostela entre o 19 e o 23 de setembro, une na súa VI edición a solistas noveis de España, Países Baixos, Rusia, Armenia e Estados Unidos. Mozos e mozas de entre 12 e 21 anos que representan o maior nivel de excelencia profesional dentro da música clásica e que foron coidadosamente seleccionados mediante unhas probas nas que se testaron as súas habilidades técnicas e interpretativas. Ademais, o Festival contará coa actuación de músicos de...
TURISMO
O Camiño, elixido como unha das 10 rutas de sendeirismo con máis encanto de España
A páxina web de viaxes TripAdvisor vén de seleccionar o Camiño de Santiago como unha das 10 rutas de sendeirismo con máis encanto de España. Así, o Camiño comparte oco coa Ruta do Cares, Ruta do río Borosa, Ruta das Médulas, Canón do Río Lobos, Val de Ordesa, Senda do Oso, Val do Jerte, Illas Cíes ou Lagoa Negra.
RELACIÓNS VECIÑAIS
Publicada no BOP a convocatoria de subvencións ás asociacións veciñais para actividades de interese xeral
O BOP de hoxe publica a convocatoria de subvencións ás asociacións veciñais sen ánimo de lucro para o desenvolvemento de programas e actividades de interese xeral durante o exercicio 2016.
ACCIÓN CULTURAL
A canción de concerto en Galicia, Cataluña e Euskadi protagoniza o XVII Ciclo de Lied
Os lied galego, catalán e vasco serán os protagonistas da XVII edición do Ciclo de Lied, que se celebra este mes de setembro en Compostela e para o que o Concello contou coa colaboración da Asociación de Amigos da Ópera de Santiago. O programa foi presentado esta mañá pola concelleira de Acción Cultural, Branca Novoneyra, e o presidente e secretario da asociación, Jesús Couceiro e José María Miranda.
CONVIVENCIA E EDUCACIÓN
As medidas para evitar os atascos en La Salle esténdense á Escola Infantil de San Roque
As concellarías de Medio Ambiente e Convivencia e de Educación veñen de mediar para que as nais e pais do alumnado da Escola Infantil de San Roque poidan estacionar de balde no aparcamento de La Salle por períodos máximos de 15 minutos, mentres deixan ou recollen aos seus fillos. Ao igual que no caso do Colexio La Salle, a medida ten como obxectivo evitar os atascos que se formaban na rúa, nos horarios de entrada e saída das aulas.
FACENDA
Remata o prazo de presentación de propostas de investimentos para os Orzamentos Participativos de Santiago de Compostela
A un día do remate do prazo para presentar propostas (mañá mércores á medianoite), son xa 122 as ideas rexistradas na web dos Orzamentos Participativos de Santiago de Compostela: decide.santiagodecompostela.gal. Este venres 15, persoal técnico do Concello manterá o terceiro encontro co equipo dos OP para continuar avaliando se son propostas de investimentos de competencia municipal viables técnica e economicamente, non contraveñen ningunha lei e non superan por...
DEPORTE
Compostela será escenario en 2018 do Mundial de Xadrez en categorías inferiores
Santiago será o escenario do Mundial Sub-8, Sub-10 e Sub-12 de Xadrez no ano 2018. Acordouno onte a Federación Internacional de Xadrez, FIDE, durante a asemblea xeral do seu 87º Congreso, celebrado en Bakú (Azerbaixán). A organización do evento corresponderalle á Federación Española de Xadrez, que propuxo Compostela para albergar este evento.
ALCALDÍA E EDUCACIÓN
Comeza o curso con normalidade nos centros de educación de infantil e primaria de Santiago, con máis de 4.600 escolares
Máis de 4.600 rapaces e rapazas iniciaron hoxe o novo curso nos centros de Educación Infantil e Primaria de Compostela. O alcalde, Martiño Noriega, e o concelleiro de Educación, Manuel Dios, quixeron compartir a xornada con algúns deles e, ao longo da mañá, visitaron os CEIPs Lamas de Abade, Monte dos Postes e López Ferreiro.
POLÍTICAS SOCIAIS
O proxecto "Mutacións urbanas" achéganos cinco accións de creación colectiva para activar Compostela de xeito inclusivo
A concelleira de Políticas Sociais, Diversidade e Saúde, Concha Fernández, presentou esta mañá o proxecto Mutacións urbanas. Laboratorio de creación para activar a cidade dun xeito inclusivo. Na rolda estivo acompañada por Clara Rodríguez, responsable do mesmo.