INFRAESTRUTURAS
Adxudicadas as obras de mellora do firme entre Son de Abaixo e Marzo de Abaixo
A Xunta de Goberno adxudicou as obras de reforzo do firme na vía pública R-5-III-B, entre Son de Abaixo e Marzo de Abaixo. Esta actuación, incluída no Plan de Cooperación Provincial 2007 da Deputación, será realizada por un importe de 224.420 euros e nun prazo de 28 días naturais.
RELACIÓNS VECIÑAIS
As asociacións veciñais repartiranse 100.000 euros para as súas actividades
A Xunta de Goberno aprobou as subvencións para os proxectos de actividades programadas por 43 asociacións veciñais. Destinarase unha cantidade de 100.000 euros, co obxectivo de potenciar a actividade do movemento asociativo veciñal.
SEGURIDADE CIDADÁ
A actuación policial e xudicial ante a violencia de xénero, obxecto dun curso dirixido á Policía Local
A Policía Local asiste do 19 ao 23 de novembro a un curso sobre violencia de xénero. No mesmo analizaranse as últimas novidades que afectan a esta materia tanto no ámbito da actuación policial e da atención á vítima como da coordinación coas autoridades xudiciais. As sesións, organizadas pola Concellería de Mobilidade e Seguridade Cidadá, desenvólvense en horario de 16:30 a 20:30 horas en distintos locais da cidade.
TURISMO
124 empresas compostelás recibirán a certificación de calidade turística
O Sistema Integral de Calidade Turística en Destino (SICTED) outorgará este ano 2007 en Santiago de Compostela máis distintivos de calidade que en ningún outro ano, segundo informou a Mesa de Calidade Turística, presidida polo concelleiro de Promoción Económica e Turismo, Xosé Manuel Iglesias. Este sistema nacional de calidade turística está avalado pola Secretaría Xeral de Turismo e pola Federación Española de Municipios e Provincias (FEMP).
PROMOCIÓN ECONÓMICA
Nace unha nova empresa no marco de Equal Compostela Social
O 14 de novembro abriu as súas portas a empresa número 57 constituída no marco do Proxecto Equal Compostela Social, impulsado pola Concellaría de Promoción Económica, Emprego, Comercio e Turismo. Trátase de O gatoverde, ubicada na Rúa Castaños, número 6, porta 21. É unha empresa de ilustración, deseño e distribución ao por maior de diferentes produtos para a súa venda en tendas de agasallos. Destaca a creatividade e impacto dos seus deseños nos que priman a calidade e as...
TURISMO
O Concello de Santiago e o Xacobeo asinan un convenio para sinalizar a ruta xacobea no municipio compostelán
O concelleiro de Promoción Económica, Emprego, Comercio e Turismo e presidente do consello de administración de Incolsa, Xosé Manuel Iglesias, e o conselleiro de Innovación e Industria e presidente do consello de administración da S.A. de Xestión do Plan Xacobeo, Fernando Xabier Blanco Álvarez, asinaron en San Caetano un protocolo de colaboración para a sinalización do Camiño de Santiago no Concello compostelán.
ALCALDÍA
O alcalde participa en Xixón na Asemblea Xeral das Rexións do Arco Atlántico
Sánchez Bugallo, en calidade de Presidente da Conferencia de Cidades do Arco Atlántico (CCAA) foi convidado a participar mañá en Xixón na Asemblea Xeral da Comisión Arco Atlántico da Conferencia de Rexións Periféricas e Marítimas (CRPM). A intervención de Bugallo terá lugar na Sala Asturias da Feira Internacional de Mostras de Asturias a partir das 10:00 horas do martes 20, dentro dun debate no que se falará de como utilizar os instrumentos de cohesión europeos para incrementar a capacidade...
DÍA MUNDIAL EN RECORDO DAS VÍTIMAS DA VIOLENCIA VIARIA
Touriño e Bugallo chaman pola responsabilidade e o compromiso social para atallar a sinistralidade viaria
O presidente da Xunta, Emilio Pérez Touriño, presidiu esta mañá na praza do Toral o acto conmemorativo do Día mundial en recordo das vítimas da violencia viaria, organizado pola asociación Stop Accidentes, xunto ao alcalde compostelán, Xosé A. Sánchez Bugallo. No mesmo acto, os máis novos poideron disfrutar do obradoiro de manualidades que configuraron o "Panel en recordo das Vítimas".
BENESTAR SOCIAL
O alcalde salienta a disposición do Concello á hora de ceder terreos para a construción de novas residencias para maiores
O alcalde, Xosé A. Sánchez Bugallo, acompañado de membros da corporación, asistiu á inauguración do Centro de Atención a Persoas Maiores de Volta do Castro, sita nunha parcela cedida polo Concello, na rúa Ildefonso Sánchez Mera, número 7. No acto inaugural, o rexedor fixo fincapé en que se seguirá traballando dende as administracións públicas para dotar a Santiago de máis residencias públicas para a terceira idade.
PROMOCIÓN ECONÓMICA
78 usuarios do Crear IV xa accederon ao mercado laboral
78 usuarias/os do Proxecto Crear IV, que desenvolve a Concellaría de Promoción Económica, Emprego, Comercio e Turismo, accederon xa ao mercado laboral desde que comenzou o programa, en xuño do 2007. Esta cifra representa un 39% do total de participantes, só un punto por debaixo do 40% fixado como obxectivo pola Xunta de Galicia, cando aínda quedan catro meses para rematar o programa. Das 78 persoas inseridas laboralmente 54 son mulleres e 24 homes. No programa participan 200 desempregadas/os, 132, o 66% son mulleres, e 68, o 34%, son homes. ...
