IGUALDADE E MEDIO RURAL
O Centro Cívico de Busto acolle o vindeiro 29 de marzo o segundo Encontro de Mulleres do Rural
O vindeiro venres 29 de marzo terá lugar no Centro Cívico de Busto o II Encontro de Mulleres do Rural, enmarcado dentro das accións que organiza o Concello polo 8 de marzo, Día Internacional das Mulleres. O encontro foi presentado pola concelleira de Igualdade, Marta Lois, a encargada de desenvolver as actividades, Cruz Dafonte, e dúas das mulleres participantes.
ESPAZOS CIDADÁNS
O Goberno local aproba a adaptación do proxecto de rehabilitación do palacete da Finca do Espiño
O Goberno vén de aprobar a adaptación do proxecto de rehabilitación do palacete da Finca do Espiño, que se converterá na nova sede do Centro de Interpretación Ambiental de Compostela. A actuación está orzada en 1,2 millóns de euros e estímase que as obras terán un prazo de execución de 12 meses.
ACCIÓN CULTURAL
O Teatro Principal volve ser un dos escenarios da Mostra Internacional do Cinema Etnográfico (MICE)
A Mostra Internacional do Cinema Etnográfico, MICE, celebrara a súa 14ª edición do 25 ao 31 de marzo. O Concello de Santiago colabora un ano máis no programa, que organiza o Museo do Pobo Galego e que conta tamén co apoio da Deputación da Coruña e de AGADIC.
ALCALDÍA
O alumnado do CEIP das Fontiñas protagoniza unha sesión plenaria promovida por Down Compostela
O alumnado de 5º de Primaria do CEIP das Fontiñas encheu esta mañá o salón de plenos do Pazo de Raxoi, nunha sesión que estivo promovida por Down Compostela. Nela abordárlonse cuestións relacionadas coa accesibilidade e a igualdade de oportunidades das persoas con Síndrome de Down ou con discapacidades.
DEPORTE
Arredor de 250 atletas participarán este sábado na XVII edición do Duatlón Cidade de Santiago
A concelleira de Deporte, Noa Morales, presentou hoxe os detalles do XVII Duatlón Cidade de Santiago e do XX Duatlón Escolar. Na rolda estivo acompañada por Ramón López, membro do Club Triatlón Santiago Arcade Inforhouse, organizador da proba, e por Pablo Cabanelas, da Federación Galega de Triatlón.
ESPAZOS CIDADÁNS
O Goberno propón modificar o PXOM para rebaixar a edificabilidade da Finca do Espiño a 2.000 metros cadrados
O Goberno levará ao Pleno ordinario do próximo xoves, de cara á súa aprobación inicial, a proposta para a modificación puntual do PXOM e do Plan Especial na Finca do Espiño. O documento propón rebaixar a superficie edificable do ámbito a 2.000 metros cadrados, fronte aos 10.500 previstos na actualidade. Esa edificabilidade estaría permitida nun único volume, e dándolle continuidade ao tecido construído da rúa do Carme de Abaixo.
DEPORTE
"A Cidade do Futsal" alcanza a súa sexta entrega os días 30 e 31 de marzo
Este mércores presentouse na sala Eisenman da Cidade da Cultura a VI edición do torneo A Cidade do Futsal, o evento de referencia de fútbol sala de base en Galicia, que se celebrará os días 30 e 31 de marzo na Cidade da Cultura. No acto participaron a concelleira de Deporte, Noa Morales; a xerente da Cidade da Cultura, Ana Isabel Vázquez; a xerente de Servizo de Viaqua, Ana Tejeiro, e o presidente do Santiago Futsal, Ramón García.
ALCALDÍA
O Concello valora a denuncia da Fiscalía contra a planta de Miramontes
O alcalde, Martiño Noriega, e o concelleiro de Medio Ambiente e Convivencia, Xan Duro, mantiveron este mediodía unha xuntanza coa Plataforma de Miramontes, dentro dos contactos reiterados que está a haber para buscar unha solución ante a situación creada na canteira da Grixoa. Na reunión valorouse positivamente a decisión de Fiscalía de querelarse contra o vertedoiro.
EDUCACIÓN E CIDADANÍA
Trinta alumnos e alumnas do CEIP López Ferreiro visitarán Vila Real no programa de intercambios escolares do Eixo Atlántico
O concelleiro de Educación e Cidadanía, Manuel Dios, deu conta hoxe dos detalles do programa de intercambios escolares do Eixo Atlántico, impulsado polo Concello de Santiago e o de Vila Real. A actividade está dirixida a escolares de 5º e 6º de primaria, e nesta primeira edición participarán 30 alumnos e alumnas do CEIP López Ferreiro. Na rolda estivo o director do centro, José Ramón Carril; a profesora que acudirá aos intercambios, Carmen Montero, e dous escolares, Lara e Xián.
ALCALDÍA
O Xardín das Pedras que Falan incorpora cinco novos autores e autoras
O Xardín das Pedras que Falan lembra dende hoxe a cinco novos autores e autoras. Trátase de Marta Pessarodona, Kerstin Hensel, Zéno Bianu, Bernardo Atxaga e Ramón María del Valle-Inclán. As pedras cos seus textos foron descubertas este mediodía, nun acto presidido polo alcalde, Martiño Noriega; o reitor da Universidade de Santiago, Antonio López, e o autor do proxecto, Suso de Toro.