Noticias

O concelleiro de Promoción Económica, Emprego, Comercio e Turismo, Xosé Manuel Iglesias, entregou as bandas de escaparatismo aos tres premiados na Edición de Nadal do V Concurso Municipal de Escaparatismo SCQ Shopping: a tenda de moda Saturna, a de complementos infantís Pío Pío, e o estabelecemento de comercio xusto Panxea. O obxectivo do certame, dirixido a todos os comercios da cidade, é contribuir á dinamización e mellora dos estabelecementos en activo, incentivando a súa capacidade creativa e a...

O alcalde departiu coa Directora Xerente da Fundación Semana Verde de Galicia, Paloma Hidalgo, que visitou a Casa do Concello.

A Xunta de Goberno aprobou a asignación de nomes a 17 novas rúas incluídas no SUNP-12 de Lamas de Abade e no SUNP-13 do vieiro da Estrada. Entre os acordos figura tamén a solicitude da autorización para unha operación de crédito de algo mais de 7 millóns de euros e a adxudicación definitiva de catro obras incluídas no Fondo de Inversión Local.

O alcalde compostelán, Xosé A. Sánchez Bugallo, recibiu á nova directora da Escola Municipal de Música, Sara Domínguez Lloria. A continuación, esta explicou, acompañada da concelleira de Educación, Guadalupe Rodríguez, os seus proxectos, como o da creación dunha ANPA como vehículo que favoreza a participación das familias na educación musical dos seus fillos e fillas.

Mostra Natura do Ensanche é o título dunha nova actividade que pretende enriquecer a oferta de ocio do Ensanche. Os primeiros sábados de cada mes, a Praza Roxa acollerá un singular mercado de paxaros, plantas e flores, acompañado de obradoiros infantís.

O alcalde compostelán, Xosé A. Sánchez Bugallo,recibiu en Raxoi aos representantes dos estabelecementos que serán homenaxeados e premiados na IV Gala do Comercio Compostela, capital de compras, que celebrará o 31 de marzo, ás 21:00 horas, no Teatro Principal.

A proposta do alcalde compostelán e presidente do Consello Asesor de Condecoracións, Xosé A. Sánchez Bugallo, o Pleno do Concello aprobará na súa sesión ordinaria do xoves 26 de marzo a concesión da Medalla de Ouro da Cidade na súa modalidade ao Mérito Empresarial a D. José Castro Suárez, dados os méritos que concorren neste empresario ubicado en Santiago de Compostela, fundador e presidente de empresas punteiras no ámbito da automoción.

A Semana Santa volve a ser un punto de atracción para turistas e veciños, cun amplo programa de procesións e actos litúrxicos. Ademais, ven acompañada dunha nova edición dun evento musical xa consolidado e prestixiado como o Festival de Músicas Contemplativas.

O alcalde compostelán, Xosé A. Sánchez Bugallo, presidiu o Consello de Relacións Veciñais. A reunión celebrouse por primeira vez na recentemente estreada Casa das Asociacións Veciñais, aínda non inaugurada, e onde terá a súa sede a Concellería de Relacións Veciñais e todo o movemento asociativo da cidade.

O alcalde compostelán, Xosé A. Sánchez Bugallo, recibiu en Raxoi a membros da Cámara Oficial Mineira de Galicia, encabezados polo seu presidente, Francisco Aréchaga. Este explicoulle todos os detalles da Conferencia Internacional de Minería Sostible, que se celebrará no Palacio de Congresos e Exposicións do 15 ao 17 de abril.