IGUALDADE
A praza do Obradoiro acolle este luns a intervención artística "Sons cor violeta", de María Xosé Domínguez
Este vindeiro luns, a partir das 20:00 horas, a praza do Obradoiro acolle unha intervención artística ao abeiro das actividades programadas pola Concellaría de Igualdade polo Día Internacional das Mulleres.
XUNTA DE GOBERNO
A Xunta de Goberno dá conta do convenio coa USC para o acondicionamento do campo de fútbol do Campus Vida
O concelleiro de Medio Ambiente e Convivencia, Xan Duro, informou hoxe sobre os asuntos tratados na sesión ordinaria da Xunta de Goberno Local. Na mesma deuse conta do convenio que o Concello asinou coa Universidade de Santiago para o acondicionamento do campo de fútbol e rugby do Campus Vida.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu unha concentración para condenar os dous últimos asasinatos machistas, que deixaron nestes últimos días vítimas mortais en Alcobendas e Madrid.
ALCALDÍA
O alcalde proponlle ao presidente da Xunta "un pacto de país polas tres grandes infraestruturas pendentes en Santiago"
O alcalde de Santiago reuniuse hoxe co presidente da Xunta, no terceiro encontro que ambos manteñen dende a chegada de Martiño Noriega á Alcaldía. Na xuntanza, o rexedor propúxolle a Alberto Núñez Feijóo "un pacto polas tres grandes infraestruturas pendentes na cidade: a EDAR, a estación intermodal e a ampliación da AP-9, incluído o enlace orbital".
ALCALDÍA
O alcalde reunirase con Felipe VI este martes no Palacio da Zarzuela
O alcalde de Santiago, Martiño Noriega, anunciou esta mañá despois da súa xuntanza co presidente da Xunta de Galicia que o próximo martes, 7 de marzo, será recibido polo Xefe do Estado no Palacio da Zarzuela, en Madrid.
ALCALDÍA
O Concello solicita a implicación da Xunta na creación do Campus da Música de Santiago
O alcalde de Santiago fixo hoxe un chamamento á implicación da Xunta na creación do Campus da Música de Santiago, na reunión que mantivo co presidente, Alberto Núñez Feijóo. Martiño Noriega lembrou a "demanda histórica da cidade para que se amplíe o Conservatorio Profesional, case dende o mesmo momento da súa inauguración en 2004", e explicou a situación de falta de espazo na que se atopa a Escola Municipal de Música, que comparte espazo co CEIP Apóstolo Santiago.
CONVIVENCIA
Os Bombeiros de Santiago celebran este sábado unha xornada de portas abertas con motivo do seu patrón
O concelleiro de Medio Ambiente e Convivencia, Xan Duro, e o xefe dos Bombeiros de Santiago, Xesús Martínez, presentaron hoxe as actividades coas que o corpo vai celebrar, por adiantado, o día do seu patrón. O acto central será o sábado, cunha xornada de portas abertas no propio parque que se desenvolverá de dez da mañá a unha da tarde.
IGUALDADE
O espectáculo "Bravas e diversas", de Chévere, centra a programación para o vindeiro 8 de marzo
A concelleira de Igualdade, Desenvolvemento Económico e Turismo, Marta Lois, deu a coñecer os detalles da gala que o Concello e Chévere teñen preparada para o vindeiro 8 de marzo no marco da campaña polo Día Internacional das Mulleres. Na rolda estivo acompañada de parte do persoal do espectáculo: Patricia de Lorenzo, Mónica García, Arantza Villar, Esther Carrodeguas, Clara Gayo e Renata Otero.
ACCIÓN CULTURAL
Volven as Liñas Paralelas cos "Contos no espello"
Volve o programa Liñas Paralelas, de sesións de relato breve e música. Fano con Contos no espello, da man de Pepe Sendón e Marcos Teira, cunha proposta de narración oral e música como experiencia única, onde o espello como enigma e atractivo literario se une á ollada que duplica, distorsiona e está presente de xeito permanente na sala espellada do Centro Sociocultural de Conxo.
ACCIÓN CULTURAL
Aberto o prazo de inscrición para a 14ª edición do Festival Internacional Curtocircuíto
Xa está aberto o prazo para participar na 14ª edición de Curtocircuíto, Festival Internacional de Curtametraxes de Santiago de Compostela, que se celebrará do 1 ao 8 de outubro deste ano, 2017. Todos os que queiran inscribir as súas curtametraxes poden facelo, de balde a través da plataforma shortfilmdepot.com, sendo a data límite para facelo o 31 de maio de 2017. As curtametraxes teñen que durar un máximo de 59 minutos (títulos de crédito.../em>