Noticias

O concelleiro de Educación e Cidadanía, Manuel Dios, presentou esta mañá o programa Vivir Santiago, que ofrecerá ao alumnado de primaria e secundaria do concello unha serie de actividades que teñen como obxectivo coñecer o patrimonio de Compostela.

Encontros interculturais e de cultura urbana, cine ao aire libre, lecer alternativo ou propostas que impulsan a igualdade de xénero figuran entre as propostas máis votadas dos orzamentos participativos de Mocidade, unha vez rematado o prazo para elixir as propostas. Unha comisión técnica e veciñal fará seguimento das propostas finalistas, que se incluirán no borrador do Orzamento municipal de 2017. Do resultado do proceso deron conta en rolda de prensa as concelleiras de Facenda, María Rozas, e de Mocidade, Noa Morales.

O alcalde de Santiago recibiu hoxe o presidente da Asociación de Empresas de Inserción de Galicia, AEIGA, nun encontro no que tamén participou a concelleira de Políticas Sociais, Concha Fernández. A reunión foi solicitada por Miguel Fernández co obxectivo de darlle a coñecer ao Goberno compostelán o modelo das empresas de inserción, "un modelo moi útil na loita contra a exclusión social". O presidente de AEIGA tamén aproveitou para avogar porque "se regulen as cláusulas sociais e a...

A Real Filharmonía de Galicia porá en escena esta semana a ópera Os pescadores de perlas, do compositor francés Georges Bizet, en versión concerto. A orquestra ofrecerá dúas actuacións, mañá mércores no Auditorio de Galicia, ás 20:30 horas; e o venres 11 no Teatro Afundación de Vigo, tamén ás 20:30 horas. Estes concertos son unha coprodución da RFG e o Outono Lírico de Amigos da Ópera de Vigo, en colaboración con Amigos da Ópera de Santiago de...

O alcalde de Santiago, Martiño Noriega, inaugurou a 30ª edición de Cineuropa, nun acto no que tamén participou o director do festival, José Luis Losa. A continuación da cerimonia inaugural, presentada por Moncho Lemos, o público asistente puido ver o filme El ciudadano ilustre, de Gastón Duprat e Mariano Cohn.

O Centro de Interpretación de Parques e Xardíns (CIPX) de Belvís organiza unhas xornadas sobre micoloxía os días 18, 19 e 26 de novembro. Dirixidas a todos os públicos, as actividades teñen prazas limitadas.

A concelleira de Igualdade, Desenvolvemento Económico e Turismo, Marta Lois, e a xerente de Turismo de Santiago, Flavia Ramil, manterán reunións con touroperadores de todo o mundo no marco da WTM de Londres, que se celebra entre o 7 e o 9 de novembro.

A Escola de Altos Estudos Musicais dispón dun programa de formación permanente dirixido a intérpretes noveis. Ao longo do ano ofrécese a posibilidade de asistir a unha serie de clases maxistrais que imparten solistas de prestixio internacional. A vindeira semana estarán na escola o percusionista madrileño Iñaki Martín e o fagotista valenciano Francisco Alonso. Formarán nestes instrumentos tanto a estudantes da Escola como a alumnado externo interesado en perfeccionar a súa interpretación.

O concelleiro de Espazos Cidadáns, Dereito á Vivenda e Mobilidade, Jorge Duarte, e a concelleira de Economía e Facenda, María Rozas, deron conta hoxe das conclusións do VI Pleno da Rede de Iniciativas Urbanas celebrado a semana pasada en Madrid para clarexar os pasos a dar para o desenvolvemento da EDUSI. Na xuntanza estiveron representados todos os concellos que o Ministerio de Facenda e Administracións Públicas seleccionou na primeira convocatoria como beneficiarios dos fondos europeos.

Esta fin de semana, a campaña Compostela en Negro, deseñada por Uqui Permui, recibiu o Premio Paraugas ao mellor deseño gráfico. Unha nova que chega cando quedan tan só 11 días para que de comezo a segunda edición da campaña, desenvolvida polo Concello de Santiago co gallo do Día Internacional da Violencia contra a muller.