Noticias

O alcalde presidiu esta mañá un pleno infantil, no que participaron alumnos e alumnas do colexio Compañía de María. Xunto con Martiño Noriega, á sesión asistiron o edil de Educación, Manuel Dios, e os concelleiros María Corral, do PP; Paco Reyes e Gonzalo Muíños, do PSOE; e Rubén Cela, do BNG.

Máis de 500 nenos e nenas de diferentes colexios de Santiago participaron este luns na I Gala pola Seguridade Viaria, organizada polo Departamento de Educación Viaria da Policía Local. Foi un evento de carácter lúdico, no que a través do humor se incidiu nas boas prácticas que todos e todas debemos ter como peóns e como condutores.

O alcalde de Santiago, Martiño Noriega, acompañado doutros/as integrantes da Corporación, recibiu un grupo de internos/as do Centro Penitenciario de Segovia, que un ano máis realizaron o Camiño de Santiago.

Os nenos e nenas teñen este martes unha cita na Semana do Libro de Compostela: a presentación de Fantasía coas palabras, de Papi e Mami. Será a partir das cinco e media da tarde.

A Escola de Altos Estudos Musicais (EAEM) ten en marcha a iniciativa A Escola na Cidade, un ciclo de concertos de música de cámara interpretados polos alumnos e alumnas do Curso Avanzado de Especialización Orquestral do centro. As entradas destas actuacións son gratuítas ata completar aforo.

As actividades infantís e as sinaturas de libros protagonizan a axenda do primeiro domingo da Semana do Libro de Compostela, a SELIC, que se celebra ata o próximo día 11.

A Xunta de Goberno aprobou hoxe de maneira inicial a modificación do regulamento orgánico do Pleno do Concello de Santiago, que agora terá que recibir o visto bo da Corporación municipal. O alcalde explicou que, deste xeito, "danse os últimos pasos nun longo proceso de traballo no que os catro grupos municipais están implicados dende hai case un ano".

A praza do Obradoiro acolleu unha concentración para condenar o último asasinato machista, neste caso dun neno de oito meses. Os feitos aconteceron este xoves en Arcos de la Frontera (Cádiz).

Este sábado 3 de xuño, ás 20:30 horas, o Centro Sociocultural "Aurelio Aguirre" de Conxo acollerá a última sesión desta edición de Contos no espello, unha serie de sesións monográficas nas que se realizou unha escolma de relatos universais nos que o espello ten un papel protagonista.

A concelleira de Políticas Sociais, Concha Fernández, presentou esta mañá o undécimo número da revista Compostelánea, a publicación mensual elaborada por Turismo de Santiago e a Concellaría de Acción Cultural que informa da oferta turística, cultural e de ocio da cidade. Trátase do décimo número da revista, que naceu en xullo de 2016 para ofrecer a habitantes e visitantes de Santiago unha guía práctica para sumarse con boa información á vida activa na cidade.