Noticias

O Grupo de Cidades Patrimonio da Humanidade continúa a súa promoción da man de Turespaña no mercado asiático con dúas accións comerciais que se desenvolveron entre o 11 e o 15 de novembro na República Popular China.

O Grupo Temático de Educación e Cultura do Eixo Atlántico reuniuse no no Centro Cultural Lustres Rivas de Riveira. Participaron representantes das cidades de Bragança, Braga, Peço da Regua, Chaves, Vila Real, Verín, Ourense, Santa María da Feira, Guimaraes, Monforte, Ferrol, Vilagarcía, Deputación de Lugo e Santiago de Compostela. Na xuntanza, o concelleiro de Educación e Cidadanía de Santiago, Manuel Dios, foi escollido por unanimidade como presidente deste Grupo.

Este martes, Cineuropa recibiu o actor, director e produtor franco-galés Nathan Willcocks, que se achegou ao festival para presentar Compte tes blessures, a ópera prima do novo e prometedor Morgan Simon.

A concelleira de Igualdade, Desenvolvemento Económico e Turismo, Marta Lois, presentou a aplicación para dispositivos móbiles que leva por nome Desafío Comercial SCQ. É un xogo posto en marcha dende o Departamento de Comercio que vén a complementar a campaña Comercios emblemáticos que desenvolvido o mes pasado.

O I Encontro de Cadernos de Viaxe Compostela Ilustrada superou as mellores expectativas do Concello. Desde o xoves 10 ata o domingo 13, o encontro reuniu en Santiago a máis de 200 debuxantes, que se sumaron aos obradoiros, quedadas e clases maxistrais incluídas no programa.

Este martes, Cineuropa recibirá ao actor, director e produtor franco-galés Nathan Willcocks, que se achega ao festival para presentar Compte tes blessures, a ópera prima do novo e prometedor Morgan Simon. O filme céntrase en Vincent, un mozo que se atopa perdido entre un traballo que non lle gusta e unha complexa relación co pai.

A Escola de Altos Estudos Musicais (EAEM) dispón dun programa de formación permanente dirixido a intérpretes noveis. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. Este sábado contarase coa presenza do afamado trompetista valenciano Roberto Bodí. Ademais do alumnado da Escola, ofrécense prazas para músicos externos ao centro.

Coincidindo coa celebración do mes de defuntos, o vindeiro sábado, 19 de novembro, está programada unha visita aberta para toda a cidadanía ao cemiterio de Boisaca. As prazas estarán limitadas a 20 por quenda, realizándose un itinerario pola mañá e outro pola tarde, con saída ás 11:30 e ás 16:00 horas de diante da capela. Esta actividade forma parte do programa Vivir Santiago, promovida pola Concellaría de Educación e Cidadanía.

No marco da 30ª edición do festival Cineuropa, o vindeiro xoves, 17 de novembro, proxectarase o filme Metrópolis, dirixido no ano 1927 por Fritz Lang e con música do compositor alemán Gottfried Hupperttz. Será ás 20:30 horas no Auditorio de Galicia. De maneira simultánea á proxección desta película muda, a Real Filharmonía de Galicia interpretará en directo a banda sonora orixinal, baixo a batuta do director andaluz Manuel Coves. O filme e as partituras foron cedidas polo European Filme...

O xurado do concurso de escaparatismo do Samaín, organizado polo Departamento de Comercio, vén de elixir os establecementos gañadores. Nesta primeira edición, o premio foi para Como Pez en el Agua (rúa de San Pedro, 79) e Perruquería Adri´s (rúa da Rosa, 38).