Noticias

A Concellaría de Cultura e Centros Socioculturais está a organizar o programa de actividades Nadal Cultural, que conta coa Festa Cultural do Nadal como unha das súas propostas máis importantes. Promover o consumo responsable nestas datas, así como a reflexión arredor do comercio xusto, son algunhas das razóns que moven a Festa Cultural do Nadal, que se vai celebrar o sábado 27 de decembro, no Auditorio de Galicia, a partires das 17:00 horas.

O Servizo de atención ao público da Bolsa de Emprego da Concellaría de Promoción Económica e Emprego atendeu 10.260 consultas dende xaneiro ata mediados de decembro de 2008. 6.630 peticións de información (o 64,6%) realizáronas mulleres.

Tras o éxito do concerto inaugural protagonizado pola mezzosoprano italiana Manuela Custer, o martes 30 de decembro celébrase o segundo concerto de Todo Lírica 2008, un ciclo promovido pola Concellaría de Cultura coa colaboración da Asociación Galega da Lírica e que, baixo o nome de Festival de Zarzuela de Santiago, se celebra dende hai oito anos durante o Nadal no Teatro Principal.

Despois do éxito da apertura co espectáculo da Compañía de Arte Acrobático SanXia de China na tarde do Nadal, continúa Nadalxogo. O alcalde compostelán, Xosé A. Sánchez Bugallo, quixo compartir unha xornada cos máis pequenos no Multiusos Fontes de Sar.

O Concello e a Editorial Kalandraka convocan o II Premio Internacional Compostela para álbums ilustrados. Tras o éxito da primeira edición, á que se presentaron máis de 300 traballos, o galardón aspira a consolidarse como unha referencia no panorama mundial deste tipo de representación artística e literaria.

O concelleiro de Sanidade e Consumo, Xosé Baqueiro, presentou en rolda de prensa a campaña de Nadal dirixida a todos os composteláns para conciencialos dun consumo responsable e seguro nestas datas. Para informar a todos os cidadáns editouse unha guía sobre o xoguete seguro e o consumo responsable.

O Goberno local deu o visto bo ás novas tarifas para os aparcadoiros públicos, segundo a proposta aprobada no seu día polo Consello de Administración de TUSSA. Entre outros asuntos, a Xunta de Goberno aprobou tamén o convenio para o financiamento dos gastos derivados do incremento do cadro de persoal do Parque de Bombeiros, asinado entre o Concello e a Deputación Provincial da Coruña.

O Servizo de Asesoramento ao Emprendemento da Concellaría de Promoción Económica, Emprego, Comercio e Turismo atendeu en 2008 a 343 persoas. A maioría, concretamente 201 (o 58,6% do total) son mulleres.

Cos votos favorables do Grupo de Goberno e a abstención do PP, foi aprobada polo Pleno a modificación da Ordenanza de Convivencia, Residuos e Limpeza Viaria. A modificación consiste na inclusión de novos puntos que farán posible a partir de finais de marzo a prohibición da venda de alcohol para consumo na vía pública de 22:00 a 8:00 horas.

O alcalde compostelán, Xosé A. Sánchez Bugallo, inaugurou a carpa de Nadal que a Fundación Santiago Centro instalou na Praza Roxa.