BENESTAR SOCIAL
O Programa de Educación de Rúa promove a participación comunitaria en nove barrios da cidade
Vénse desenvolvendo dende marzo unha nova edición do Programa de Educación de Rúa, unha das liñas de actuación da Unidade de Atención a familias (UAF) no marco do I Plan Municipal de Servizos Sociais. Esta iniciativa lévase a cabo nos barrios de Fontiñas, Sar, Amio, San Lázaro, Conxo, Santa Marta, Choupana, A Rocha e Volta do Castro.
ALCALDÍA
O alcalde recibiu en Raxoi ao Nobel de Química Jean-Marie Lehn
O Premio Nobel de Química en 1987, o francés Jean-Marie Lehn, abriu a cuarta edición do Programa ConCiencia, organizado pola USC e o Consorcio de Santiago. O seu paso por Santiago incluíu unha visita a Raxoi, onde foi recibido polo alcalde compostelán, Xosé A. Sánchez Bugallo.
PERSOAL
O Concello pon en marcha una plataforma de formación "on line"
Os traballadores municipais xa poden realizar gran parte dos cursos contemplados no Plan de Formación do Concello a través de internet. Isto é posible grazas ao lanzamento da nova plataforma on line de formación: www.compostelaformacion.org. Os dous primeiros cursos comezarán o 10 de xuño e xa está aberto o prazo de inscrición para os mesmos.
PLENO
O Pleno ratifica o compromiso municipal co uso da bicicleta como transporte alternativo
A Corporación municipal aprobou definitivamente en Pleno a adhesión de Santiago á Rede de Cidades pola Bicicleta, así como os seus estatutos e cotas. Esta Rede celebrou a súa sesión constitutiva o 13 de marzo en Sevilla e Santiago forma parte da súa xunta directiva.
