Noticias

A concelleira de Políticas Sociais, Diversidade e Saúde, Concha Fernández, deu conta esta mañá dunha campaña posta en marcha pola Fundación Secretariado Xitano e Agareso en colaboración con Obra Social "laCaixa" e o Concello de Santiago que busca "visibilizar as mulleres xitanas no noso municipio". Na rolda estivo acompañada de Lorena Seijo, coordinadora de Agareso, e Isabel Suárez, coordinadora do Equipo FSG Santiago.

A concelleira de Políticas Sociais, Diversidade, Saúde e Centros Cívicos, Concha Fernández, participou na praza do Obradoiro do acto simbólico "Marca o X solidario", organizado por EAPN Galicia, CERMI Galicia e Coordinadora Galega de ONGD.

A Policía Local de Santiago vén de iniciar a súa formación en lingua de signos, en colaboración coa Asociación de Persoas Xordas de Santiago de Compostela (APSSC). O curso comezou onte e permitirá que os e as axentes adquiran unha competencia básica, sobre todo en terminoloxía asociada á súa profesión.

O concelleiro de Medio Ambiente, Convivencia e Informática presentou hoxe o proxecto Smartiago ao persoal investigador da Universidade de Santiago, nunha charla celebrada no edificio CITIUS. O obxectivo era mostrarlles aos grupos de I+D as oportunidades que supón para a USC o programa de Compra Pública Innovadora polo que o Concello de Santiago vén de captar cinco millóns de euros de fondos europeos.

Xa está en marcha a décimo oitava edición da Campaña Municipal de Animación á Lectura, que organiza a Concellaría de Educación e Cidadanía en colaboración coa editorial Kalandraka. O alcalde, Martiño Noriega, participou esta mañá na primeira sesión con escolares do programa, que xira ao redor de A horta de Simón, o título gañador da X edición do Premio Internacional Compostela para Álbums Ilustrados.

A concelleira de Políticas Sociais, Diversidade, Saúde e Centros Cívicos, Concha Fernández, deu conta das actividades que o Centro Sociocultural de Conxo acolle co gallo da celebración do Banquete de Conxo, que terá lugar a fin de semana do 21 e 22 de abril. Na rolda estivo acompañada do dinamizador e responsable do CSC de Conxo, Xulio Noia.

A compañía Ibuprofeno Teatro presenta esta fin de semana en Compostela Casa O’Rei, obra coa que pecha a súa triloxía gastronómica tras O furancho e Raclette. Faino con dúas función, venres 6 e sábado 7, ambas ás 20:30 horas, no Teatro Principal. O espectacúlo foi presentado esta mañá polo director-xerente do Auditorio de Galicia, Xaquín López; o autor e director da obra, Santiago Cortegoso; e unha das actrices, Marián Bañobre.

O concelleiro de Educación e Cidadanía, Manuel Dios, presentou esta mañá a décimo oitava edición da Campaña Municipal de Animación á Lectura que comeza o 3 de abril e finalizará o 5 de maio. Na rolda estivo acompañada da directora do departamento de Edición e coordinadora de animación á lectura de Kalandraka, Manuela Rodríguez.

Os alumnos e alumnas do Curso Avanzado de Especialización Orquestral da Escola de Altos Estudos Musicais (EAEM) protagonizan varios concertos de música de cámara con fins sociais ao longo do ano. Así, mañá mércores actuarán na residencia de maiores de Volta do Castro. A cita musical comezará ás 18:00 horas.

A praza do Obradoiro acolleu un minuto de silencio para condenar o último asasinato machista, o da muller atropelada e atopada sen vida o pasado 24 de marzo en Santa Cruz de Retamar (Toledo).