CULTURA
A nova xira de Bunbury chega en 2014 a Galicia cunha data exclusiva en Compostela
A nova xira de Enrique Bunbury chega a Galicia no 2014 dentro do ciclo Compostela Rock. A cita será o sábado 7 de xuño no Multiusos Fontes do Sar, con apertura de portas ás 20:00 horas e comezo do concerto previsto para as 21:30 horas. As entradas, a 40 € + gastos, estarán dispoñibles dende este martes 19, a través da Rede Ticketmaster (web, Halcón Viajes, Carrefour, FNAC), marcaentradas.com e o despacho de billetes do Teatro Principal.
CONSORCIO
Aparece o resto dunha lápida antiga na cornixa da fachada de San Francisco
A Oficina Técnica do Consorcio de Santiago está a promover a limpeza da fachada principal da igrexa do Convento de San Francisco, de finais do século XVIII. A intervención céntrase na eliminación de humidades, plantas, mofos e algas, así como da sucidade provocada polo excremento das pombas. As obras, adxudicadas á empresa Techné, teñen un orzamento de 62.547 euros. Os traballos comezaron en setembro deste ano e está previsto que rematen no mes de decembro.
CULTURA
Primeiro pase en Cineuropa da premiada "La grande bellezza", de Paolo Sorrentino
Na xornada do mércores 20 de Cineuropa chega La grande bellezza, de Paolo Sorrentino. O filme, que obtivo grande éxito en Cannes, está nominado nas catro categorías principais, mellor película, dirección, actor e guión, aos premios de Cinema Europeo EFA. Ademais, vén de facerse cos premios a mellor actor e mellor coprodución europea no Festival de Cinema Europeo de Sevilla.
CULTURA
María de Medeiros, premiada en Cineuropa
María de Medeiros recolleu o segundo dos premios Cineuropa desta edición, tras o recibido por José Sacristán. Foi nun acto no Salón Teatro, no que o concelleiro Francisco Noya lle entregou o premio á actriz, directora e cantante portuguesa.
RELACIÓNS VECIÑAIS
Publicada a lista de candidaturas ás eleccións do Consello de Relacións Veciñais
A Concellería de Relacións Veciñais continúa co proceso de eleccións ao Consello de Relacións Veciñais. Unha vez finalizado prazo para a presentación das candidaturas individuais, faise pública a lista de candidatos e candidatas. Ata o mércores 27 de novembro estará aberto o prazo para facer as reclamacións correspondentes.
CULTURA
María de Medeiros recolle o Premio Cineuropa
Na xornada do martes 19 entregarase o segundo dos premios Cineuropa, neste caso a María de Medeiros. Será nun acto no Salón Teatro, ás 21:30 horas, cando o concelleiro Francisco Noya lle entregue o premio á actriz, directora e cantante portuguesa.
MEDIO AMBIENTE
As obras nos colectores do Sar e as melloras técnicas na EDAR da Silvouta mellorarán a calidade ambiental da contorna compostelá
O alcalde compostelán, Ángel Currás; a concelleira de Sostibilidade, María Pardo; o conselleiro de Medio Ambiente, Territorio e Infraestruturas, Agustín Hernández; o delegado do Goberno en Galicia, Samuel Juárez; o presidente da Confederación Hidrográfica Miño-Sil, Francisco Marín; e o director de Augas de Galicia, Francisco Menéndez, visitaron as obras de execución dos colectores do río Sar.
SOSTIBILIDADE E FESTAS
Novas composicións de árbores de Nadal e alumeado para o Obradoiro e os barrios
Os concelleiros de Sostibilidade, María Pardo, e de Festas, Francisco Noya, presentaron algunhas das novidades que ofrecerá a ornamentación de Nadal. Este ano, as árbores chegarán a varios barrios composteláns e, tamén como novidade, a tradicional árbore da praza do Obradoiro será substituído por unha composición de sete arbores de diferentes tamaños.
MULLER E IGUALDADE
Máis de 100 profesionais participarán no I Congreso Nacional de Intervención e Prevención da Violencia de Xénero
O 25 de novembro celébrase o Día Internacional contra a Violencia de Xénero. Con tal motivo, a Concellería Familia, Benestar Social, Muller e Igualdade organiza o I Congreso Nacional de Intervención e Prevención da Violencia de Xénero, que se celebrará os días 28, 29 e 30 de novembro no Hotel Oca Puerta del Camino.
XUVENTUDE
Turbolaser, Hellorice, Persé e Neko e Daso, finalistas do VI Certame MúsicaXove
A concelleira de Xuventude, Rebeca Domínguez, presidiu o xurado que se reuniu en Raxoi para elixir os gañadores do VI Certame MúsicaXove. Os catro finalistas son Turbolaser (Santiago), Hellorice (Santiago), Persé (Teo) e Neko e Daso (Poio).