Noticias

O martes 17 de outubro celebrouse o noveno Encontro Emprendedor, no ciclo promovido polo Concello de Santiago a través do CERSIA, para a difusión da Axenda Urbana 2030. A Gobernanza foi o eixo principal abordado nesta ocasión, na que se coñeceu a iniciativa empresarial de Coop57 Galiza. O último Encontro Emprendedor do 2023 terá lugar o 21 de novembro, arredor das temáticas de Proximidade e Mobilidade Sostible.

A ZONA C-Punto de Información Cultural acolleu este mércores 18 de outubro a presentación da novela Sem grana e sem frescura, de Constance Hurlé, a obra resultante do proxecto de creación literaria desenvolvido ao abeiro da primeira convocatoria de intervencións artísticas promovida por Compostela Cultura no ámbito da escrita. Sem grana e sem frescura é un relato a cabalo entre o diario de viaxe e a auto-ficción que naceu dun periplo da escritora dende o sur ao norte de Brasil e que tomou forma de novela durante a...

O Pazo de Raxoi acolleu esta mañá a reunión ordinaria da Xunta local de Seguridade, copresidida pola alcaldesa de Santiago, Goretti Sanmartín, e pola subdelegada do Goberno na Coruña, María Rivas, á que tamén asistiu o concelleiro de Convivencia, Xan Duro, e membros da Policía local, nacional e autonómica. No encontro analizáronse os datos de criminalidade do primeiro semestre do ano, entre os que destacan a redución de infraccións penais e o descenso no número de casos activos de VioXen. A este...

A alcaldesa de Santiago de Compostela, Goretti Sanmartín, acompañada da concelleira de Turismo, Míriam Louzao, mantivo esta mañá unha xuntanza con representantes de Unión Hotelera para tratar diversos temas de interese para o sector turístico.

A alcaldesa de Santiago, Goretti Sanmartín, recibiu esta mañá no Pazo de Raxoi o embaixador de Malta en España, Daniel Azzopardi, que veu acompañado polo cónsul honorario de Malta en Galicia, Gabriel Baltar Giraud.

A concellería de Dereitos e Servizos Sociais, Promoción Económica e Xuventude organiza dúas xornadas informativas dirixidas ás empresas que queiran optar ás subvencións destinadas a apoiar as empresas de economía social ou aos premios á excelencia empresarial. O obxectivo é clarificar dúbidas con respecto a ambas convocatorias, que veñen de ser publicadas con modificacións respecto da anterior edición. As xornadas serán o próximo luns, no edificio CERSIA de San Lázaro.

O concelleiro de Mobilidade, Convivencia e Centros Socioculturais, Xan Duro, anunciou hoxe o inicio dos trámites para asumir a xestión directa do cobro das multas a través de Tussa. O primeiro paso será a ampliación do obxecto social da sociedade municipal nos seus estatutos. Xan Duro lembrou que a empresa concesionaria do cobro das multas percibe case o 27% dos ingresos anuais recadados en vía voluntaria, unha porcentaxe que en 2022 equivaleu a máis de medio millón de euros.

A Real Filharmonía de Galicia ofrece esta semana o seu segundo concerto da temporada Migracións. Será dirixido pola principal directora convidada da orquestra, Joana Carneiro, e nel actuará como intérprete solista o frautista santiagués André Cebrián.

O recinto feiral de Amio acolle do xoves ao domingo a XII edición do Salón do Vehículo de Ocasión, no que participarán máis de 25 concesionarios e compravendas da comarca. O concelleiro de Mobilidade, Convivencia e Centros Socioculturais, Xan Duro, presentou hoxe o evento acompañado do seu organizador, Fabián Saavedra.

A Xunta de Goberno deu luz verde a unha nova convocatoria para o Mercado de Nadal, que se instalará en Carreira do Conde e Área Central. Tamén acordou solicitar unha subvención por preto de 420.000 euros para distintos programas do departamento de Servizos Sociais, un dos cales ser realizará por primeira vez e consistirá na posta a disposición de vivendas de transición para persoas en situación de senfogarismo. De todos os asuntos deu conta en rolda de prensa, a alcaldesa de Santiago, Goretti Sanmartín.