Noticias

O catedrático de Economía Aplicada da USC Xavier Vence, coordinador do grupo de investigación ICEDE, foi hoxe o encargado de impartir o seminario "Estratexia Urbana e Economía Circular" dirixido ao persoal técnico do Concello de Santiago vinculado á implementación da EDUSI. O foro estivo impulsado pola concellería de Igualdade, Desenvolvemento Económico e Turismo que dirixe Marta Lois.

O Teatro Principal acollerá do 27 ao 30 de xuño a Mostra de Teatro organizada pola rede de Centros Socioculturais. O ciclo foi presentado hoxe pola concelleira Concha Fernández, que salientou "a gran oportunidade que supón para os grupos de teatro afeccionado poder participar neste certame, e o especial que é para eles actuar no escenario máis emblemático de Compostela".

A concelleira de Igualdade, Desenvolvemento Económico e Turismo, Marta Lois, presentou esta mañá o ensaio de María Reimóndez Corpos Exorbitantes. Rosalía de Castro, tradutora feminista, en diálogo con Erín Moure editado pola USC e o Concello de Santiago. Na rolda estiveron a vicerreitora de Estudantes da USC, Dolores Álvarez; o director de publicacións da Universidade, Juan Blanco; a autora da obra, María Reimóndez e a poeta canadiense Erín Moure.

O concelleiro de Medio Ambiente e Convivencia fixo hoxe un chamado ao sentido común e á responsabilidade da veciñanza "para evitar incidentes na noite de San Xoán, nun momento no que estamos en alto risco de incendios". Xan Duro compareceu en rolda de prensa para lembrar as normas de seguridade que rexerán nestas celebracións.

A concelleira de Igualdade, Desenvolvemento Económico e Turismo, Marta Lois, presentou esta mañá os actos polo día do orgullo LGTBI que se estenderán do 28 de xuño ao 8 de xullo en varios puntos da cidade. Na rolda estiveron Quique Latorre, de Ultreia, e Andrés Domínguez e Daniela Ferrández, de Amizando.

O Grupo de Cidades Patrimonio da Humanidade levou a cabo onte á noite unha campaña de promoción dos seus destinos no mercado británico, en colaboración con Paradores de Turismo. As 15 cidades estiveron representadas pola alcaldesa de Cáceres e presidenta da rede, Elena Nevado, nunha acción comercial que foi organizada por Turespaña a través da súa Oficina Española de Turismo en Londres, e a Embaixada de España na capela do Reino Unido.

A concelleira de Deporte, Mocidade e Benestar Animal, Noa Morales, deu conta esta mañá dunha nova actividade da concellería de Mocidade froito do proceso de Orzamentos Participativos de 2017. Trátase do "Cine ao aire libre", unha acción presentada polo grupo Scout Chan 292. Na rolda estivo acompañada polos responsables da iniciativa, Laura Morales, Pablo Ávila e Víctor Sanabria.

A concelleira de Políticas Sociais, Diversidades e Saúde, Concha Fernández, asinou esta mañá un novo lote de convenios con entidades sociais da cidade. Neste caso foron seis as entidades convocadas: Agadea, Cáritas, Alcer, Cruz Vermella, Escola de Tempo Libre "Don Bosco" e Médicos do Mundo. A contía dos convenios ascendeu a 193.000 euros e con estes son xa medio millón de euros os destinados a apoiar as entidades sociais da cidade.

A concelleira de Deporte, Noa Morales, presentou esta mañá o II Memorial Antonio Bermúdez, organizado polo Concello e a Escola Deportiva Santiago. Na rolda estivo acompañada polo presidente da mesma, Santiago Araújo; o director técnico do torneo, Óscar Vilariño; e o fillo do coñecido locutor homenaxeado, Toño Bermúdez.

A concelleira Concha Fernández, xunto con outros membros da Corporación, recibiu no salón vermello de Raxoi os integrantes da Peña Ciclista Amigos de Santiago, da cidade de Ávila, ao concluír unha nova edición da súa ciclomarcha a Compostela.