Noticias

A Policía Local de Santiago practicou esta fin de semana tres detencións: unha por un episodio de violencia de xénero na mañá de onte domingo e outras dúas a raíz dun presunto furto nun establecemento hostaleiro.

A Xunta de Goberno vén de aprobar, na súa sesión ordinaria deste venres, o inicio do procedemento de adxudicación de dous proxectos "moi demandados pola veciñanza", como son a reurbanización da rúa Batalla de Clavijo e anexas (fase I) e as obras de reforma do parque infantil da praza da Constitución (pistas de skate). Ambas actuacións supoñen un investimento de algo máis de 875.000 euros.

A Xunta de Goberno vén de aprobar o inicio do expediente do gran contrato de mantemento, que suporá un investimento de 5.747.498,79, IVE incluído, en catro anos (dous máis dous prorrogables). Así, o que se vai destinar ao ano sitúase en torno ao millón e medio de euros.

A Xunta de Goberno acordou hoxe ampliar dous días máis o Programa de Conciliación do Verán, que mantén o Concello coa empresa Actividades Lúdicas de Galicia SL. Así, o programa terá lugar tamén os días 10 e 11 de setembro dado o cambio que se produciu no calendario do vindeiro curso escolar.

A concelleira de Políticas Sociais, Diversidade, Saúde e Centros Cívicos, Concha Fernández, deu conta hoxe do ciclo de cine ao aire libre que se celebrará no parque de Bonaval os días 10, 11, 17, 18, 24 e 25 de agosto. A actividade resultou ser unha das máis votadas no proceso de Orzamentos Participativos do ano pasado na modalidade de festas do Apóstolo e adiouse ao mes de agosto a petición da persoa propoñente.

O concelleiro de Educación e Cidadanía, Manuel Dios, visitou hoxe as actuacións de mantemento que o Concello de Santiago está a desenvolver no CEIP de Vite e que se suman ás que se levan a cabo no resto de colexios de infantil e primaria e nas escolas infantís municipais. Na visita estivo acompañado polo director do centro, Pablo Fernández e polo presidente da ANPA, José Soto.

No marco da 61ª edición do Curso Universitario Internacional de Música Española "Música en Compostela", a Real Filharmonía de Galicia participa cun novo concerto mañá venres. Será ás 20:30 horas no Auditorio de Galicia, baixo a batuta do director asociado da orquestra, o mestre compostelán Maximino Zumalave.

O concelleiro de Medio Rural, Mantemento e Obras para o Reequilibrio Territorial, Rafael Peña, deu conta hoxe do prazo de inicio e execución do Plan Municipal de Obras para este verán, que inclúe unha ducia de actuacións por importe de 3 millóns de euros.

A concelleira de Políticas Sociais, Concha Fernández, deu conta hoxe do resultado da convocatoria de bolsas municipais de comedor escolar, actividades extraescolares e material escolar para o curso 2018/2019.

O alcalde de Santiago, Martiño Noriega, recibiu esta mañá a 110 nenos e nenas participantes no campamento urbano do Centro Don Bosco que se achegaron ao Pazo de Raxoi cos seus monitores e monitoras e co coordinador do campamento, Xesús Vilas.