Noticias

A concelleira e o concelleiro de Turismo de Santiago e A Coruña, Marta Lois e Alberto Lema, proporanlle á Xunta de Galicia unha posible solución para mellorar a coordinación dos tres aeroportos galegos, proposta que trasladarán de forma conxunta á Administración autonómica e a Aena na vindeira xuntanza do Comité de Rutas, prevista para este xoves en Santiago.

A Xunta de Goberno acordou hoxe abrir o procedemento de adxudicación, mediante procedemento aberto, das obras do aparcadoiro provisional disuasorio da Sionlla. Retómase así unha actuación para a que xa fora contratada unha empresa no pasado mes de outubro, empresa que finalmente renunciou a executar os traballos.

Máis dunha trintena de expositores, entre editoras, librarías e institucións tomarán parte na segunda Semana do Libro de Compostela (SELIC), que se desenvolverá na praza da Quintana do venres 1 ao domingo 10 de xuño. O alcalde de Santiago, Martiño Noriega, presentou esta mañá o programa de actividades nunha rolda de prensa que compartiu coa concelleira de Acción Cultural, Branca Novoneyra, e con Carlos Valdés, membro da editora Irmás Cartoné e un dos representantes da Mesa do Libro de...

A Xunta de Goberno Local aprobou este venres os prazos de reserva de praza de alumnado actual, preinscrición e matrícula de novo alumnado na Escola Municipal de Música para o curso 2018-2019.

Na Xunta de Goberno deste venres aprobáronse varias propostas relevantes da Concellería de Educación e Cidadanía. Unha delas é a apertura do procedemento de adxudicación do Programa de Conciliación de Verán, ao que se destinarán 73.340 euros, IVE incluído.

A Real Filharmonía de Galicia pecha esta semana a súa tempada anual de concertos con dúas actuacións. A primeira será hoxe xoves no Teatro Afundación de Vigo, ás 20:30 horas, dentro da tempada de música clásica da Sociedade Filharmónica de Vigo e Afundación. Mañá venres, o Auditorio de Galicia acollerá a clausura da tempada de abono da orquestra, tamén ás 20:30 horas.

A concelleira de Deporte, Noa Morales, deu conta esta mañá dos detalles da segunda edición da Festa do Deporte, que terá lugar no vindeiro mes de setembro, concretamente os días 28 e 29. "O cambio de data -explicou a edila- responde á petición dos propios clubs e á necesidade de adaptarnos ao calendario escolar para incluír nesta edición os centros educativos".

A sala de usos múltiples da Praza de Abastos acolleu hoxe a presentación da acción que a cooperativa da Praza e o Concello impulsan durante este mes de maio para fidelizar os clientes do mercado. Na presentación estiveron a concelleira de Mercados, Noa Morales; a xerenta da praza, Marta Rey, e a subdirectora xeral de Comercio, Marta López.

O Pleno da Corporación aprobou este xoves o novo Regulamento de Títulos, Honras e Condecoracións do Concello de Santiago. O texto actualiza o vixente, aprobado no ano 1955 e modificado levemente en 1966, e faino ademais tendo en conta a Lei de Memoria Histórica. O regulamento foi aprobado cos votos a favor de Compostela Aberta, BNG e PSOE, e coa abstención do PP.

Maruxa e Coralia contan dende onte con novas vestimentas, nas que predomina a cor amarela, o rosa e o vermello. O novo aspecto da estatua das "Marías" está baseado en fotografías e documentación histórica que usou o escultor César Lombera para pintalas.