EMPREGO
No eido do emprego, o presidente de Cogami, Anxo Queiruga, salientou a colaboración que a entidade mantén co Concello en accións de busca de emprego e orientación laboral. Lembrou que en Santiago hai 1.200 persoas con discapacidade e que as propias empresas de Cogami xeran 165 postos de traballo directos. En materia turística, referiuse á importancia de cuestións como a mellora da accesibilidade en determinados establecementos hostaleiros ou a promoción de rutas accesibles.
Concello de Santiago e Cogami reforzan o compromiso de colaboración en materia de emprego e de accesibilidade
26/06/2013 A concelleira de Turismo e Emprego, Reyes Leis, reuniuse en Raxoi con representantes da Confederación Galega de Persoas con Discapacidade (Cogami), cos que repasou algúns dos temas da competencia do seu departamento, como o emprego ou a accesibilidade dos establecementos turísticos.
Reyes Leis apuntou tras a reunión que "Cogami é un colectivo moi importante para cidade e temos que seguir avanzando na colaboración con eles". Neste sentido, agradeceu tanto o labor que realizan en materia de emprego como os seus consellos para mellorar a accesibilidade e suprimir barreiras na cidade.No eido do emprego, o presidente de Cogami, Anxo Queiruga, salientou a colaboración que a entidade mantén co Concello en accións de busca de emprego e orientación laboral. Lembrou que en Santiago hai 1.200 persoas con discapacidade e que as propias empresas de Cogami xeran 165 postos de traballo directos. En materia turística, referiuse á importancia de cuestións como a mellora da accesibilidade en determinados establecementos hostaleiros ou a promoción de rutas accesibles.