MOBILIDADE
O concelleiro, que previamente no mes de abril mantivera contacto coa directiva veciñal, foi informado que dende hai aproximadamente tres anos os veciños están a reivindicar a implantación deste sistema de aparcadoiro para dar solución aos residentes.
A raíz disto, os servizos técnicos da Concellaría de Tráfico puxéronse a traballar no deseño e planificación de zonas de aparcadoiro de residentes (24 horas), outras de libre aparcadoiro de 8 a 20 horas (pasando a zona residentes de 20 hs a 8 da mañá) e outras zonas libres.
Así mesmo comunicóuselles a intención do Concello de abrir ao público de forma gratuíta o aparcadoiro de bordo de Santa Marta para uso de veciños e visitantes do Hospital Clínico, levando a cabo accións conxuntas coa Xerencia do Hospital para canalizar os vehículos que aparcan no recinto hospitalario e que orixinan graves problemas de aparcadoiro e circulación, cara a esa zona.
O Concelleiro atendeu e respondeu a todas as preguntas dos veciños que interviñeron na charla informativa e despexou dúbidas sobre os trámites para solicitar a tarxeta, os que poden ser beneficiarios destas, prazas para minusválidos, pintado de zonas amarelas para evitar aparcadoiros en rúas estreitas, tarxetas para empresas e autónomos, e un longo etcétera; facendo fincapé nas vantaxes e desvantaxes que pode supoñer a implantación do sistema.
Acordouse finalmente abrir un prazo de solicitude de tarxeta de residente para zona verde co fin de saber o número de usuarios e valorar en reunión posterior a implantación deste servizo e en que zonas sería conveniente poñelas en marcha.
A preguntas dalgúns dos asistentes, tamén se falou dos vados na zona. O concelleiro comprometeuse a trasladar á edil de Facenda, Cecilia Sierra, a problemática para estudar alternativas ao pagamento.
Luis Bello reúnese cos veciños de Santa Marta para estudar a posta en marcha do aparcamento para residentes
04/06/2013 O concelleiro de Tráfico e Seguridade Cidadá, Luis Bello acompañado por técnicos do seu departamento, mantivo unha reunión informativa no local sociocultural de Santa Marta cos veciños de Santa Marta e Choupana. Á convocatoria da directiva da Asociación veciñal acudiron aproximadamente uns 180 veciños interesados pola implantación da zona verde de residente.
Esta modalidade de aparcadoiro é unha vella reivindicación dos veciños da zona que vén motivada polos constantes problemas de estacionamento que lles causa a súa proximidade ao Hospital Clínico coa invasión de vehículos foráneos.O concelleiro, que previamente no mes de abril mantivera contacto coa directiva veciñal, foi informado que dende hai aproximadamente tres anos os veciños están a reivindicar a implantación deste sistema de aparcadoiro para dar solución aos residentes.
A raíz disto, os servizos técnicos da Concellaría de Tráfico puxéronse a traballar no deseño e planificación de zonas de aparcadoiro de residentes (24 horas), outras de libre aparcadoiro de 8 a 20 horas (pasando a zona residentes de 20 hs a 8 da mañá) e outras zonas libres.
Así mesmo comunicóuselles a intención do Concello de abrir ao público de forma gratuíta o aparcadoiro de bordo de Santa Marta para uso de veciños e visitantes do Hospital Clínico, levando a cabo accións conxuntas coa Xerencia do Hospital para canalizar os vehículos que aparcan no recinto hospitalario e que orixinan graves problemas de aparcadoiro e circulación, cara a esa zona.
O Concelleiro atendeu e respondeu a todas as preguntas dos veciños que interviñeron na charla informativa e despexou dúbidas sobre os trámites para solicitar a tarxeta, os que poden ser beneficiarios destas, prazas para minusválidos, pintado de zonas amarelas para evitar aparcadoiros en rúas estreitas, tarxetas para empresas e autónomos, e un longo etcétera; facendo fincapé nas vantaxes e desvantaxes que pode supoñer a implantación do sistema.
Acordouse finalmente abrir un prazo de solicitude de tarxeta de residente para zona verde co fin de saber o número de usuarios e valorar en reunión posterior a implantación deste servizo e en que zonas sería conveniente poñelas en marcha.
A preguntas dalgúns dos asistentes, tamén se falou dos vados na zona. O concelleiro comprometeuse a trasladar á edil de Facenda, Cecilia Sierra, a problemática para estudar alternativas ao pagamento.